Ўзбекистон республикаси қишлоқ ХЎжалиги вазирлиги

Тадқиқот вазифалари. Илмий тадқиқотнинг мақсадидан келиб чиқиб қуйидаги вазифалар ҳал этилиши белгиланган:
қишлоқ хўжалигида суғурталаш тизимини ривожлантиришнинг моҳияти ва заруриятини илмий асослаш;
суғурталаш тизимини ривожлантиришнинг ўзига хос хусусиятлари ва унга таъсир этувчи омилларни таснифлаш;
аграр соҳада суғурталаш тизимини ривожлантиришнинг ҳозирги даражаси тахлил қилинади;
қишлоқ хўжалигида суғурталаш тизимини фермер хўжаликлар молиявий ҳолатига таъсирини ўрганиш;
агросуғурта тизимини ривожлантириш бўйича хорижий тажрибалардан фойдаланишнинг асосий йўналишлари бўйича тавсиялар тайёрлаш;
қишлоқ хўжалигида суғурталаш механизмларини такомиллаштириш йўллари бўйича тавсиялар тайёрлаш;
қишлоқ хўжалиги корхоналари билан суғурта ташкилотлари ўртасидаги ташкилий-иқтисодий ва ҳуқуқий муносабатларини такомиллаштириш бўйича таклифлар ишлаб чиқиш;
қишлоқ хўжалигида суғурталаш тизимини ривожлантиришнинг устувор йўналишлари бўйича тавсиялар тайёрлаш.
Тадқиқотнинг объекти сифатида “UZINSURANCE” суғурта компанияси (“Ўзагросуғурта”АЖ) ва бошқа қишлоқ хўжалиги суғуртаси билан шуғулланувчи республикамиздаги суғурта компаниялар ҳамда суғурта хизматидан фойдаланувчи бўлган фермер, деҳқон хўжаликлари кластерлар ва бошқа корхоналар танлаб олинган. Бевосита монографик тадқиқотлар Андижон ва Тошкент вилоятларида олиб борилган.
Тадқиқотнинг предметини суғурта компаниялари билан суғурталанувчилар, яъни фермер, деҳқон хўжаликлари, кластерлар ва бошқа қишлоқ хўжалиги корхоналари ўртасидаги юзага келадиган ташкилий-иқтисодий ва ҳуқуқий муносабатлар мажмуи ташкил этади.
Тадқиқот усуллари. Тадқиқотларни амалга ошириш жараёнида қиёсий таҳлил, абстракт фикрлаш, иқтисодий ҳисоб-китоб, сўровнома ўтказиш, эксперт баҳолаш, монографик кузатиш эконометрик таҳлил ва прогнозлаштириш каби усуллардан кенг фойдаланилган.
Тадқиқотнинг илмий янгилиги:
қишлоқ хўжалигида суғурталаш тизимини ривожлантиришнинг моҳияти ва зарурияти илмий асосланган;
қишлоқ хўжалигида суғурталаш тизимини ривожлантиришнинг ўзига хос хусусиятлари бир тизимга келтирилиб илмий асосланган;
қишлоқ хўжалигида суғурталаш механизмларини такомиллаштириш йўллари бўйича илмий ва амалий тавсиялар тайёрланган;
қишлоқ хўжалиги корхоналари билан суғурта ташкилотлари ўртасидаги ташкилий-иқтисодий ва ҳуқуқий муносабатларини такомиллаштириш бўйича таклифлар ишлаб чиқилган;