Ўзбекистон республикаси қишлоқ ХЎжалиги вазирлиги тошкент давлат аграр университети

Биологик хусусиятлари. Сули - мўьтадил иқлимга талабчан ўсимлик, унинг уруғи 2-3° да уна бошлайди, кўкариб чиқиш ва туплаш даврлардаги 15-18⁰ ҳарорат энг қулай ҳарорат ҳисобланади Ёш ниҳоли - 8-9° совуққа чидамли. Cyли гуллаш вақтида 2° совуқдан кучли зарарланади. Дон ҳосил қилиш даврида - 4-5° совуққа бардошли. Сулининг илдиз системаси тез ривожланиши натижасида баҳорги қурғоқчиликдан баҳори буғдой ва арпага қараганда кам зарар кўради. Иссиқ ҳарорат ва ёзги қурғоқчиликка баҳори буғдой арпага қараганда сули чидамсиз.
Сули намталаб ўсимлик, унинг пўстли хиллари пўстсиз донлиларга нисбатан униб чиқиш учун кўп нам талаб этади. Сули униши учун донининг оғирлигига нисбатан 60% намни шимади, (арпада 50 %, буғдойда 45 % бўлгани ҳолда, у намга талабчан). Сулининг траспирация коэффициенти 47,4, намга энг талабчан даври ўсимликни найчалашидан то рўвакланишигача ҳисобланиб, айниқса тупроқ намлиги рўвакланишдан 10-15 кун олдин етишмаса, жуда ҳам зарарлидир. Бу даврдаги қурғоқчилик ҳосилдорликнинг кескин камайишига олиб келади. Сулидан серёғин йиллари мўл ҳосил олинади. Бошқа донли экинларга қараганда сули тупроққа талабчанлиги паст бўлиб, илдизи 120 см чқурликка ва ён томонига 80 см гача боради. Сули ўсимлиги тупроқдан қийин эрувчан озуқа эритмаларини яхши ўзлаштириш хусусиятига эга. Кучли шўрланган тупроқларда сули яхши ҳосил бермайди.
Ўзбекистонда сули сувли ерларда дон ва кўкат учун экилади. "Византина-11" нави эса лалмикор ерларда экиб келинади. Ҳозирги вақтда сулининг 5 та нави Ўзбекистонда экишга районлаштирилган: "Тошкент-1", ярим кузги бўлиб, суғориладиган ерларда оралиқ экин сифатида кузда экиб келинади; "тезпазак" - ", ярим кузги бўлиб, Бухоро, Навоий, Қашқадарё вилоятлари сувли ерларида оралиқ экин сифатида кузда экилади; "Ўзбекиский широколистний" - Ўзбекистоннинг сувли ерларида баҳорда ва кузда экиб келинади; "Дўстлик-85" ", ярим кузги бўлиб, Самарқанд вилоятининг сувли ерларида оралик экин сифатида кузда экилади; "Успех" ", ярим кузги бўлиб, бу нав Самарқанд, Сурхондарё ва Тошкент вилоятларининг суғориладиган ерларида баҳорда экилади.