Ўзбекистон Республикаси иив кадрлар Бош бошқармасининг 2018 йил 24 декабрдаги 2/4634-сонли кўрсатмаси ижросини амалга ошириш мақсадида Ўзбекистон Республикаси иив наманган академик лицейида “Ўзбекистон Республикаси Қуролли Кучлари ташкил

Ўзбекистон Республикаси ИИВ Кадрлар Бош бошқармасининг 2018 йил 24 декабрдаги 2/4634-сонли кўрсатмаси ижросини амалга ошириш мақсадида Ўзбекистон Республикаси ИИВ Наманган академик лицейида “Ўзбекистон Республикаси Қуролли Кучлари ташкил этилганлигининг 27 йиллиги” ҳамда “Ватан ҳимоячилари куни”ни нишонлашга тайёргарлик кўриш ва ўтказишга бағишланган ватанпарварлик ойлигини ўтказиш бўйича чора-тадбирлар режаси ишлаб чиқилди.
Ватан ҳимоячилар кунини нишонлашга бағишланган тадбирлар ўтказиладиган жойларни “Ватан муқаддас, уни ҳимоя қилиш шарафли бурчдир!”, “Тинчлигингга жоним фидо – муқаддас Ватан” шиори остида кўргазмали плакатлар билан жиҳозланди.


2019 йил 7 январь куни Спорт тузилмаси томонидан Ватан ҳимоячилар кунига бағишлаб ўқувчилар иштирокида “Посбониман муқаддас юртнинг” мавзусида эстафета уюштирилди.
Шунингдек “Алоқа ва ахборотлаштириш” тузилмаси томонидан ўқувчилар ўртасида “Менинг армиям – менинг фахрим!” мавзусидаги энг яхши тасвирий санъат асари танловини ўтказилди. Бунда ўқувчилар ўзларининг ватанпарварлик руҳидаги ижод намуналари билан иштирок этишди. 33-гуруҳ аъзоси Муаззам Эркинова ва Бекзод Мухаммадалиевлар томонидан тақдим этилган ижод намуналари энг яхши тасвирий санъат асари деб топилди.

Диёримизнинг таниқли мутафаккирларидан Мунаввар қори Абдурашидхон ўғли “Жаннат каби гўзал юртинг бугун сендан иш кутадир”-деб нурли келажакка умидвор бўлган эди. Ватан тарихи инсонга сабоқ беради. Эътиқодни мустаҳкамлайди. Маънавият –тарих бешигида улғаяди. Аждодларимиз тарихидан катта маънавий куч-қувват олинади.

Тарихни ўрганиш мақсадида 2019 йил 11 январь куни лицей ўқитувчиси Ш.Абдуллаев бошчилигида 12-гуруҳ ўқувчиларини “Наманган вилоят ўлкани ўрганиш музейи”га олиб борилди. Наманган вилоятидаги табаррук қадамжолардан бири ҳисобланган “Вилоят ўлкани ўрганиш музейи”да олиб борилаётган маданий, илмий-маърифий йўналишдаги ишлар ва экспозицияда намойиш қилинаётган экспонатлар ёшлар ўртасида катта тарбиявий аҳамиятга эга бўлди. Музейда ҳозирги кунда 55 мингдан зиёд экспонатлар жамланган бўлиб, шундан музей кўргазмаларидан жой олган 12 мингдан зиёд тарихий экспонатлар шубҳасиз ҳозирги ва келажак ёш авлодни она-Ватанга меҳр-муҳаббат руҳида тарбиялашдаги аҳамиятини сўз билан ифодалаш қийин. Ўқувчилар у ердаги экспозитция ва диораммалар билан танишдилар.

Шунингдек истеъфодаги ҳарбий хизматчилар билан “Ватанни ҳимоя қилиш – шарафли, олижаноб ва масъулиятли бурч” мавзусида давра сухбати бўлиб ўтди. Давра сухбати қизғин бахс-мунозара тарзида бўлиб ўтди.

Лицейдаги барча ўқувчи ёшлар иштирокида Ватан ҳимоячиларига бағишланган “Посбониман муқаддас юртнинг” мавзусида иншолар танловини ташкил этилди ва ўтказилди. Ўқувчилар орасидан 2-босқич 25-гуруҳ ўқувчиси Сохиба Пўлатова Ёзган иншо ғолиб деб топилди.


2019 йил 14 январь куни Директор ўринбосарлари, ЧҚБТ раҳбари, Ёшлар иттифоқи бошланғич ташкилоти етакчиси, Ўқитувчилар ва ўқувчи ёшлар иштирокида вилоят марказидаги хотира майдонига гулчамбарлар қўйиш маросимини ўтказилди.