Ўзбекистон республикаси ички ишлар вазирлиги

Маъруза – ўрганилаётган мавзунинг асосий жиҳатлари ёритилади ҳамда ўқувчиларга тақдим этилаётган материалларни ўзлаштириш борасидаги зарурий методик тавсиялар берилади. Ўқувчилар тақдим этилаётган материалларни ёзиб (конспект қилиб) борадилар.
Семинар – ўқувчилар ўқитувчи раҳбарлигида олдинги мавзу бўйича ўзлаштирилган билимларини чуқурлаштиради. Муаммоли саволларга жавоб топади, ўқитувчи ўқувчилар билимини назорат этишнинг самарали усулларидан фойдаланиб, уларни баҳолайди.
Мустақил иш – ўқувчилар тақдим этилган материалларнинг моҳиятини англаб етишлари ва мавзуга доир тавсия этилган ёки мустақил равишда танланган адабиётларни ўрганиб чиқишлари, мустақил ишнинг савол ва топшириқларига оғзаки ёки ёзма равишда жавоб тайёрлашлари шарт. Шунингдек, ўқувчилар мустақил иш жараёнида кейинги машғулотда ўрганиладиган мавзуга доир саволларни ўрганиб чиқадилар ва уларга ёзма жавоблар тайёрлашлари лозим. Шу усулни қўллаш орқали ўқувчиларнинг билимларини чуқурлаштириш таъминланади. Мавзуларни ўзлаштириш жараёнида назария билан амалиётни узвийликда ўргатиш лозим.
Давлат ва хукук назарияси фанини ўқувчилар томонидан пухта ва самарали ўрганишнинг муҳим шартларидан бири конспект дафтарларига тўғри ва тўлиқ ёзиб боришлари талаб этилади. Ўқувчилар ўқув машғулотларида ўқитувчи томонидан берилган асосий тушунча ва қоидаларни қайд этишлари ва мустақил иш топшириқларини бажариши (кодекслар билан ишлаш, қўшимча адабиётлардан фойдаланиш орқали ўқув машғулотларига тайёргарлик кўришлари) учун фан бўйича алоҳида дафтарларига эга бўлишлари шарт ҳисобланади. Конспектлаштириш мажбурий бўлиб, уларнинг сифати ўқитувчи томонидан ўқув машғулотларида қатъий назоратга олиниши шарт ва бу ҳолат юзасидан доимий равишда кафедра бошлиғига ахборот бериб туриши лозим. Агарда фан бўйича ўзлаштириш сўст бўлган ўқувчилар ёки мавзуларни ўз вақтида конспект қилиб бормаган ўқувчилар (зарур ҳолларда уларнинг ота-онаси ёки унинг ўрнини босувчилар иштирокида) кафедра йиғилишида муҳокама қилиниши шарт.
Мавзуларнинг матнлари кафедрада тўпланган ўқув-услубий материаллар ва методик қўлланмаларда ўз аксини топади.
Қорақалпоқ академик лицейи директорининг ўқув ишлари бўйича ўринбосари томонидан тасдиқланган кафедранинг навбатчилик жадвалига мувофиқ кунлик навбатчи ўқитувчи дарс жадвалига асосан машғулотлар ўтказилишидан бир кун олдин ўқув гуруҳлари аудиторияларида ўқувчиларга маслаҳатлар бериши шарт ҳамда бу жараённи тўлиқ амалга оширишга кафедра бошлиғи ва унинг назорати бўйича Қорақалпоқ академик лицейи директорининг ўқув ишлари бўйича ўринбосари масъул ва жавобгар. Мазкур тартиб бўйича Қорақалпоқ академик лицейи директорининг ўқув ишлари бўйича ўринбосари Қорақалпоқ академик лицейи директори (ёки у узрли сабабларга кўра бўлмаган ҳолларда унинг малака ошириш бўйича ўринбосари)га кунлик ҳисоботларни тақдим этишга мажбур.