|
Қуйидагилар ҳуқуқбузарлик содир этишга мойил шахслар сифатида
эътироф этилиши мумкин:
а) тажовузкор руҳий касаллар;
б) ихтисослаштирилган ўқув-тарбия муассасаларидан қайтганлар (-
хулқ-атвори тузалганлиги сабабли ушбу таъсир чорасини қўллашни давом
эттиришга муҳтож эмас деб топилиб, мазкур муассасаларда бўлиши
юзасидан суд томонидан белгиланган муддат ўтишидан олдин чиқарилган
шахслар бундан мустасно);
в) ҳеч қаерда ишламайдиган, иш ёқмас фуқаролар;
г) мустақил фикрга эга бўлмаган, бировларга кўр-кўрона эргашиб
кетадиган ва диний фундаменталистик ғояларга берилувчан шахслар;
д) олиб борилаётган давлат сиёсатига нисбатан асоссиз қарши фикр
билдирувчилар;
и) ўзига нисбатан қамоққа олиш билан боғлиқ бўлмаган эҳтиёт чораси
танланган жиноят содир этишда айбланувчилар;
47
е) иш фақат жабрланувчининг шикояти билан қўзғатиладиган ҳолларда
унинг шикояти бўлмаганлиги учун жиноят иши тугатилганлар.
Юқоридаги кўрсатиб ўтилганлар ҳуқуқбузарлик содир этмаган ёки
содир этган бўлса-да, ҳуқуқбузарлик тариқасида ҳуқуқий баҳо берилмаган
ёхуд содир этилган ҳуқуқбузарлик бўйича айбдорлиги исботланмаган, аммо
ўзининг ғайриижтимоий хулқ-атвори хавфлилиги туфайли ҳуқуқбузарлик
содир этиш эҳтимоли ҳолатида бўлган жисмоний шахслар сифатида эътироф
этиладилар.
Ҳуқуқбузарлик содир этган шахсларни маъмурий ёки жиноий
жавобгарлик назарда тутилган айбли ғайриҳуқуқий қилмиш (ҳаракат ёки
ҳаракатсизлик)ни содир этганлик бўйича иш юритувнинг муайян бир
босқичида айбдор деб топилиб, ҳуқуқбузарликка оид иш тугатилган,
шунингдек шу каби қилмиш учун жавобгарликка тортилиб, жазоланган
шахслар ташкил этади.
Ўзбекистон Республикасининг 2008 йил 5 январь куни қабул қилинган
«Бола ҳуқуқларининг кафолатлари тўғрисида»ги қонуннинг «Асосий
тушунчалар» деб номланган 3-моддасида «ижтимоий ҳимояга муҳтож
болалар»га — юзага келган ҳолатлар сабабли оғир турмуш шароитида
қолган, давлат ва жамият томонидан алоҳида ҳимоя қилишга ҳамда қўллаб-
қувватлашга муҳтож бўлган болалар деб таъриф берилган. Ушбу тоифадаги
болаларни қуйидагилар ташкил этади:
– ногирон болалар;
– жисмоний ва (ёки) руҳий ривожланишида нуқсонлари бўлган
болалар;
– етим болалар;
– ота-она қарамоғидан маҳрум бўлган болалар;
– ихтисослаштирилган болалар муассасаларида тарбияланаётган
болалар;
– муайян яшаш жойига эга бўлмаган болалар;
48
– кам таъминланган оилалардаги болалар;
– жиноий жавобгарликка тортилган ва жазони ижро этиш
муассасаларида турган болалар;
– зўравонлик ва эксплуатация, қуролли можаролар ва табиий офатлар
натижасида жабрланган болалар.
Ҳуқуқбузарликлар профилактикасини бевосита амалга оширувчи орган
ёки муассасанинг ҳуқуқбузарликларнинг якка тартибдаги профилактикасини
амалга оширишга масъул бўлган мансабдор шахслари ушбу орган ёки
муассасанинг ички буйруқлари билан белгиланади.
Ҳуқуқбузарликлар профилактикасини бевосита амалга оширувчи
субъектлар ўзига нисбатан якка тартибда профилактика иши олиб
бориладиган шахсларнинг ижтимоий-демографик (ёши, жинси, оилавий
аҳволи, касби, маълумоти, яшаш ва ўқиш жойлари кабилар), маънавий-руҳий
(эҳтиёжи, қизиқиши, ижтимоий жараёнларга, умуминсоний ва миллий
қадриятларга, меҳнатга, ўқиш ва ишга, ён-атрофидагиларга бўлган
муносабати, дунёқараши, темперамент ва характери кабилар) ва
биофизиологик (жисмонан ва руҳан соғлиғи, генетик хусусиятлари,
жисмоний тузилиши, жисмоний ва руҳий имкониятлари, ёш даврига хос
биофизиологик белгилари кабилар) хусусиятларини ўрганиши ҳамда
ўрганиш натижалари асосида якка тартибдаги профилактик чора-
тадбирларни ишлаб чиқиши ва амалга ошириши мумкин.
Умуман олганда, ҳуқуқбузарликларнинг якка ва умумий тартибдаги
профилактикаси профилактик таъсир кўрсатиш объектининг бир ёки бир
гуруҳ шахслар ташкил этиши билан фарқланади. Бошқача айтганда, якка
тартибдаги
профилактикада
муайян
шахсга,
умумий
тартибдаги
профилактикада эса бир неча (ўн, юз, минг ва ҳаттоки миллионлаб)
шахсларга профилактик таъсир кўрсатилади. Айнан мазкур жиҳатни
эътиборга олган ҳолда якка ва умумий тартибдаги профилактик чора-
тадбирлар ўзига хос тарзда шакллантирилган.
49
Do'stlaringiz bilan baham: |
