Ўзбекистон Республикаси Хал= таълими вазирлиги

12-мавзу: «Ширинсўз бўлиш»
Болаларга инсон одобини, хулқ атворини кўз-кўз қиладиган тил хусусида, сўзлаш қоидаси ҳақида тушунча бериш. Болаларни ширинсўз бўлишга даъват этиш. Аввало ширинсўз нима эканини тушунтириш. Ширинсўзлик-бу кишининг дилини яйратадиган, кўнглини кўтарадиган қилиб сўзлаш экани, оғиздан доимо яхши сўз чиқишга ҳаракат қилиш кераклигини тушунтириш. Болаларга “Аввал ўйла, кейин сўйла” мақолини мазмунини тушунтириш. Инсон хатони кўпроқ ўз тили билан содир қилишини ҳаётий мисоллар билан тушунтириш. Мавзу бўйича Абу Али Ибн Синонинг сўзларидан келтириш. Мавзуга боғлиқ ҳикоя ўқиб бериш.
13-мавзу: «Ўртоқ бўлиш одоби»
Болаларга «Ўртоқлик» тушунчасига изоҳ бериш. Болалар билан аҳил бўлиб ўйнаш, ўзаро ёрдам бериш ва кўмаклашиш-бу ўртоқлик эканлиги. Болалар ҳамжиҳат бўлиб ўйнаётган ёки меҳнат қилаётган ҳолатини расмлар орқали изоҳлаш. Болаларнинг бир-бирига меҳрибон, аҳил, ғамҳўр бўлишларини тушунтириш. Мавзуга мос ҳикоя ва ривоятлар ўқиб бериш.
14-мавзу: «Ростгўйлик»
Болаларни ростгўй ва камтар бўлишга чақириш. Рост сўзлаш кишини мурод-мақсадига етказиши, унинг мардлик ва ҳақгўйлик ҳисларини шакллантиришда ҳиссаси ката эканлиги. Ростгўйликнинг атрофдагилар қалбида ишонч, ҳурмат ва эътиқодни камол топтиришдаги ролини алоҳида уқтириш. Ростгўйлик ҳақида мақол ва ҳикоя ўқиб бериб, уни шарҳлаш.
15-мавзу: «Ёлғончилик ёмон одат»
Болаларга ёлғончилик ёмон одатлиги, ёлғон гап одамларни ранжитиши, орада ишонч йўқолиши, ёлғончи деган номни олиши ҳақида тушунча бериш. Болаларга ёлғончилик ёмон одат мавзусидаги ҳикоя, эртак ва устозлар ўгитларидан ўқиб бериш. Ёлғон гапириб ҳижолат чеккан болалар ҳақида мазмунли расмлар кўрсатиб изоҳини бериш.


16-мавзу: «Камтарлик»
Болаларни камтар бўлишга даъват этиш. Камтарлик тушунчасига изоҳ бериш: яхши одам камтардир. Камтар одам ўзига алоҳида эътибор талаб қилмайди. Керилиб, кибр-ҳавога берилмайди. Камтарлик бу одамийлик, маънавий поклик дегани. «Терак ва мажнунтол» масалини ўқиб бериш.