Ўзбекистон Республикаси Хал= таълими вазирлиги

27- мавзу: «Сув муқаддасдир»
Болаларга сув оби- ҳаёт эканлиги, сув бўлмаса ҳаёт бўлмаслиги, инсонларнинг ундан ичиш, ювиниш, деҳқончилик, чорвачилик, қурилиш ва ҳоказоларда фойдаланиши ҳақида тушунча бериш. Болаларга сувни асраш, оқар ариқларни тоза сақлаш, ахлат ташламаслик, сувни исроф қилмаслик ҳар биримизнинг бурчимиз эканини тушунтириш. Сувнинг инсон ҳаёти учун зарурлиги, инсонга ҳузур, табиатга гўзаллик бағишлаши, энг бебаҳо бойлик эканлиги ҳақида тушунча бериш. Сувни исроф қилмаслик, уни асрашга оид мақол, ҳикоялар айтиб бериш, расмлар орқали тушунтириш.


28- мавзу: Тарбиячи ёрдамида пиёз экиш
Болаларда меҳнатсеваликни тарбиялаш. Ўсимликларни ўстиришга қизиқиш уйғотиш, уларни суғориб туриш зарурлигини тушунтириш. Пиёз экишга бўлган иштиёқларини қондириш.
29-мавзу: «Кўчада юриш одоби»
Болаларда туғилиб ўсган жойларига, ўз шаҳар ва қишлоқларига нисбатан меҳр уйғотиш. Ўз кўчасининг номини билишга ўргатиш. Кўчани озода сақлаш, кўчада нон ва музқаймоқ емаслик, гулзорларни пайҳон қилмаслик каби кўча одобларига амал қилишни уқтириш.
Кўчада юриш одоби энг аввало кийина билиш ва одамлар орасида ўзини тута билиш эканлиги: катталар олдидан саломсиз ўтмаслик, қариялар қўлидан юкини олиб, оғирини енгил қилиш, катталар суҳбатлашаётганида аралашмаслик. Кўчада юриш ҳолатини расмлар орқали кўрсатиш. Кўча-куйда ён атрофингга қараб юриш: нон увоғини, тош, кесак, шох-шаббани кўрганда четга олиб қўйиш, кўча озодалигини сақлаш ҳам кўча одобига кириши ҳақида тушунча бериш. Кўчада юриш одоби ҳақида ҳикоя ўқиб бериш.


30-мавзу: «Қуш ва жонзотларга ғамҳўрлик»
Болаларга уй ҳайвонлари мушук, кучук, сигир, қўй, эчки, қуён, қушлардан мусича, чумчуқ ҳақида маълумот бериш, уларни асраш ва авайлаш ҳар бир инсоннинг вазифаси эканини тушунтириш. Уларни парвариш қилиш, очликдан қутқариш ҳар биримизнинг вазифамиз эканини тушунтириш. Ў.Умарбековнинг «Меҳр» ҳикоясини ўқиб бериш


31-мавзу: Хона ўсимликларини ювиш
Болаларда меҳнатсеваликни, хона ўсимликларини парвариш қилишни тарбиялаш. Болаларнинг хона ўсимликлари ҳақидаги билимларини такомиллаштириш. Нам сочиқ билан ўсимлик баргларини эҳтиёткорлик билан артишга ўргатиш. Болаларнинг ўсимликларга бўлган қизиқишлари ва уларни парваришлашга бўлган иштиёқларини ривожлантириш.