Ўзбекистон Республикаси Хал= таълими вазирлиги

33- мавзу: 
«Сув муқаддасдир» 
Сув ва дарахт  
Бир бор экан, бир йўқ экан. Бир булоқ ва дарахт бўлган экан. Улар ѐнма-ѐн яшар экан. Булоқ 
эндигина кўз очган, шўх-шўх қайнаб чиқаѐтган сувлари кичкина ариқча ҳосил қилган экан. Ниҳол эса 
нозиккина, сал шамол турса, бутун танаси чайқалиб-чайқалиб кетаркан... 
Орадан ойлар ўтибди. Булоқ суви катта ариқни тўлдириб оқа бошлабди. Ниҳол ҳам кўкка бўй 
чўзиб, сарвқомат дарахтга айланибди. Бу ердан ўтган йўловчилар дарахтнинг соясида дам олиб, 
булоқнинг тиниқ сувидан ичишаркан. Кетаѐтганларида эса: 
- Зап қоматдор дарахт бўлибди,-деб мақтаб кетишаркан.

---

39 
Бу гаплардан дарахтнинг димоғи кўтарила бошлабди. У ҳатто сувни менсимай қўйибди.
- Агар бу ерда мен гуркираб турмаганимда, ѐнингда ким ҳам тўхтарди? На соянг бор, на 
ҳуснинг,-дебди дарахт сувга.
Сув хафа бўлиб кетибди-ю, индамабди.
Кунлардан бир куни: 
- Мен борманки - ҳаѐт бор!-деб қолибди дарахт яна.
Сув ортиқ чидолмабди ва ўз оқимини ўзгартириб юборибди. Шундан сўнг дарахт илдизларига 
бир томчи ҳам сув келмай қўйибди.
Дарахт буни бир-икки ҳафта сезмай мағрур тураверибди. Аммо кўп ўтмай танасида қандайдир 
ўзгариш бўлаѐтганини, аъзои бадани бўғилиб бораѐтганини сеза бошлабди. қараса, сув оқимини 
ўзгартирган экан.
- Наҳотки у менга қувват бериб турган бўлса?-ўйлабди дарахт. Унинг аҳволи тобора 
ѐмонлашаверибди, япроқлари қовжираб тўкила бошлабди. Охири у сувнинг зарурлигини, 
тирикликнинг кучи ҳамкорликда эканини тушунибди. Шундагина сув яна эски йўналиши бўйлаб оқа 
бошлабди.
қиссадан ҳисса шуки: олдингдан оққан сувнинг қадри йўқ. Ҳар бир неъматнинг қадрига етиш, 
шукрона қилиш керак.
 
СУВ 
Ариқларда пишқириб, 
қирғоқларга ўшқириб, 
Сира билмасдан уйқу, 
Шошиб келар оқар сув. 
Оқар сув, оқар сув 
Тоза эмас, лойқа сув, 
Кўриниши чунонам 
Ўзим каби ўжар у 
Ўжар бўлса ҳам 
Бошида кўп ташвиши 
Доим ернинг шўрини 
Ювишдир билган иши.