Ўзбекистон республикаси халқ таълими вазирлиги самарқанд вилояти халқ таълими ходимларини қайта тайёрлаш ва малакасини ошириш институти

Chat - Мулоқот. Бу атама интерактив конференцияларда ишлатилади. IRC, форумлар, prodity мулоқотга мисол бўла олади.
Content - сервердаги ихтиёрий маълумотлар: матн, графика, мультимедиа. Саҳифалар шаклида гиперматнлар ёрдамида ташкил этилади. Сифат белгилари - ҳажми, актуаллиги, тўлалиги.
Cryptography - Криптография - ҳимоялаш, махфийлаш мақсадида маълумотларни шаклини ўзгартириш усули. Бу маълумотларни бошқалардан ҳимоя қилишнинг муҳим асосларидан биридир. Яъни маълумот шакли узатишдан аввал маъносиз белгилар ва сигналларига ўтказилади ва сўнг асл ҳолатига тикланади. Бу махфий маълумотлар билан ишловчи бошқарма, корхона ва компанияларга жуда зарурдир.
Communication Link - Алоқа канали. Бир-биридан узоқ масофада жойлашган икки фойдаланувчининг алоқасини таъминлайдиган қурилма ва программа таъминот.
Connection - Ажратилган ёки коммуникацияли занжир тугунлари орасидаги боғланиш.
Database - Маълумотлар базаси. Кенг омма фойдаланиши мумкин бўлган маълумотлар тўплами. Бу турли мавзуларга бағишланган маълумотлар тўпламларидир. Масалан, иқтисод, программалар, санъат, тарих, география, коинот, ҳайвонат олами ва ҳоказолардир.
Dedicated Line - Ажратилган тармоқ. Шахсий ажратилган тармоқли алоқа хизмати.
Digital - Маълумотнинг сонли шакли. Овозли, видео, компютер ва умуман бошқа маълумотларни узатишда кучланишнинг дискрет ўзгаришларидан, сигналларнинг частотаси, амплитудаси, ҳолатидан фойдаланувчи қурилма ёки усул.
Download - Юклаш. Программа, саҳифа ёки маълумотларни компютердан унга уланган қурилмага, яъни сервердан фойдаланувчи компютерига узатиш.
Domain - Домен - интернетнинг тугун ва бир тусдаги тугунларини ифодаловчи ташкилий бирлиги. Йирик доменлар доменларга эга бўлиши мумкин. Масалан, www.alb_soft.uz домени.
File Server - Файлли сервер. Узоқдаги фойдаланувчиларнинг файлларга мурожаатини таъмиловчи компютер.
FTP - Протокол (File Transfer Protocol). Турли системалар орасида файлларни тезроқ узатишни таъминловчи усул.