Ўзбекистон республикаси халқ таълими вазирлиги республика таълим маркази

Инглиз тили фанидан қўшимча машғулотнинг
тушунтириш хати.

Дастур умумтаълим мактаблардаги ўқув дастури асосида тузилган. Қўшимча машғулотлар ўқувчилар томонидан асосий дарс жараёнида эгаллаган билим, кўникма ва малакаларини янада кенгроқ эгаллашлари учун имконият яратилади.

Қўшимча машғулотнинг асосий мақсади ўқувчилардаги фанга бўлган қизиқишини кучайтириш, оғзаки нутқини ривожлантириш, уларнинг дарсда олган билимларини тўлдирувчи билим кўникмалар билан бойитишдан иборат.
Қўшимча машғулотнинг мақсади:

• 
  инглиз тили фанидан ўқувчиларнинг билимларини чуқурлаштириш, кенгайтириш инглиз тилини ўрганишга бўлган қизиқишларини ривожлантириш, узлуксиз таълим тизимининг кейинги турларида ўқишни давом эттириш, онгли равишда касб танлашга ёрдам бериш;
  
• 
  инглиз тилида оғзаки ва ёзма нутқларини, ўз фикрларини баён эта олиш кўникмаларини шакллантириш;
  
• 
  кишилар орасидаги бевосита мулоқот нутқ орқали амалга оширилар экан, инглиз тилини амалий билиш нутқ фаолиятининг ўқиш, тинглаб тушуниш, гапириш, ёзиш, таржима каби турларига хос бўлган кўникмаларини шакллантиришни тақазо этади;
  
• 
  инглиз тилини чуқур ўргатиш жараёнида ўқувчиларнинг тафаккурини ўстириш ва тилни ўзлаштириш орқали она тилидан олган билимларини ривожлантиради;
  
• 
  ўқувчи инглиз тилини ўрганиш орқали мамлакат тилини, географияси, тарихи, адабиёти, санъати, фан ва маданияти, шунингдек ўзларини ўраб турган атроф-муҳит ҳақидаги маълумотларни ҳам билиб олади;
  
• 
  нутқий ҳаракатлар туфайли юзага чиқиш дарс жараёнида ва дарсдан ташқари вақтларда мустақил ўқиб ўрганишга йўналтирилади.
  

Ушбу қўшимча машғулот мавзулари учун инглиз тили фанининг ўқув дастуридаги мавзуларини кенгайтириб ўтиш, ўқувчиларнинг олган билимларини амалий машғулотларда қўллаш, уларнинг оғзаки нутқини ўстиришга қаратилган мавзулар киритилди.
Мавзулар 17 соат бўлиб, берилган ҳар бир мавзу 1 соатга мўлжаллаб тузилди.