Ўзбекистон республикаси халқ таълими вазирлиги республика таълим маркази

Чет (инглиз, немис, француз) тили фанларидан ўтказиладиган тўгаракларнинг намунавий мавзуий режаси тўғрисида

Ўқувчиларнинг умумий ўрта таълим мактаблари ўқув дастури асосида олган билимларини мустаҳкамлаш, кенгайтириш, нутқини ривожлантириш, тил ўрганишга бўлган қизиқишларини ошириш, назарий олган билимларини амалиётда қўллай олиш мақсадида умумий ўрта таълим мактабларида фан тўгараклари ташкил этилади.
Ўқувчиларнинг инглиз, немис, француз тилларидан олган билимларини мустаҳкамлаш, оғзаки нутқини ўстириш, бир-бирлари билан мулоқот қилишларини ўргатиш мақсадида чет тилларидан тўгарак машғулотлари ўтишни тақозо этади.
Машғулотларни ҳафтада бир соатдан йил давомида 34 соат ўтказиш режалаштирилди.
Машғулотларнинг самарадорлигини ошириш учун ўқитувчи ўқувчиларнинг билиш фаолиятини фаоллаштирадиган мантиқий, мустақил ва ижобий фикр юритиш кўникмаларини ривожлантиришга имкон берадиган ўқитиш методлари ва шаклларидан фойдаланиши тавсия этилади.
Машғулотларда ўқувчиларнинг мустақил ва ижодий ишларига кенг ўрин бериш баробарида шеър, топишмоқ, қизиқарли интиллектуал ўйинлар, амалий машғулотлар, экскурсиялар, турли ролли ўйинлар асосидаги тадбирлардан самарали фойдаланилади.
Машғулотнинг мақсади:

• 
  Инглиз, немис ва француз тилларида оғзаки ва ёзма нутқларини, ўз фикрларини баён эта олиш кўникмаларини шакллантириш;
  
• 
  ўқувчилар орасидаги бевосита мулоқот нутқ орқали амалга оширилар экан, инглиз, немис, француз тилларини амалий билиш нутқ фаолиятининг ўқиш, тинглаб тушуниш, гапириш, ёзиш, таржима каби турларига хос бўлган кўникмаларини шакллантиришни тақазо этади;
  
• 
  чет (инглиз, немис, француз) тилларини чуқур ўргатиш жараёнида ўқувчиларнинг тафаккурини ўстириш ва тилни ўзлаштириш орқали она тилидан олган билимларини ривожлантириш;
  
• 
  турли фонетик ўйинлар орқали ўқувчилар нутқини ривожлантириш;
  
• 
  нутқий ҳаракатлар туфайли юзага чиқиш дарс жараёнида ва дарсдан ташқари вақтларда мустақил ўқиб ўрганишга йўналтирилади.
  

Мавзулар бошланғич 2-4-синфлар, 5-7-синфлар учун алоҳида 34 соатга мўлжаллаб тузилади.