Ўзбекистон республикаси халқ таълими вазирлиги низомий номидаги тошкент давлат педагогика

3-мавзу: Улуш ва каср. Оғзаки ва ёзма ҳисоблаш ва таққослаш усуллари (2 соат маъруза, 2 соат амалий).

Улуш ва каср тушунчаси билан таништириш методикаси. Бутуннинг улуши ва уни топиш. Улушга кўра бутунни топиш. Каср тушунчасининг маъноси, унинг элементлари. Маҳражлари бир хил бўлган касрларни таққослаш, қўшиш ва айиришнинг маъноси. Соннинг каср қисми ва касрга кўра сонни топишга доир масалалар ечиш. Оғзаки ва ёзма ҳисоблаш усуллари.

4-мавзу: Геометрик материаллар устида ишлаш технологияси (2 соат амалий машғулот).

Геометрик материалларни ўрганиш методикаси. Геометрик (бурчак, нур, симметрия, периметр, юза, диаграмма...) материаллар устида ишлаш технологияси ҳақида тасаввурни шакллантириш ва уларни чизиш, айрим хоссалари билан таништириш методикаси. Содда геометрик фигураларни ясаш ишлари билан таништириш, фазовий тасаввурларни ривожлантириш. Фигураларни фарқлай олиш, қисмларга бўлиш, қисмлардан фигуралар ҳосил қилишга, диаграмма тузиш ва таҳлил қилишга, кўпбурчаклар периметри ҳамда юзасини ҳисоблашга, периметр, юза ўлчов бирликлари ва улар орасидаги боғланишга доир масалалар ечиш.

5-мавзу: Бошланғич таълим математика фанидан масалалар ечишга замонавий ёндашув (2 соат амалий машғулот).

Бошланғич синфларда масалалар ечишга ўргатиш. Масалани эшитиш ва уни мустақил ўқиш малакасини шакллантириш. Масаланинг бошланғич таҳлилини ўтказиш, масалани қисқа ёзиш, масалани ечиш уни ўқитувчи талабига биноан ёзиш ва масала саволига жавоб беришга ўргатиш. Масала ечимини текшириш малакаси ҳамда масала устида ишлаш режасини тузиш.

Табиатшунослик фанларини ўқитиш методикаси


НАЗАРИЙ ВА АМАЛИЙ МАШҒУЛОТЛАР МАЗМУНИ


1-мавзу: Бошланғич синфларда табиатшунослик дарсларининг мазмуни ва уни ташкил этиш методикаси (2 соат маъруза).

Табиатшунослик фанини ўқитиш методикаси. Табиатшунослик ўқитиш мазмуни ва ўқитиш методлари. Табиатшуносликни ўқитишнинг шакллари.

14
2-мавзу: Табиатшуносликни самарали ўқитишда ўқитиш воситаларидан ўринли фойдаланиш (2 соат амалий машғулот).

Табиатшунослик дарсликлари ва улар билан ишлаш. Кўргазмали қуроллар ва табиатшунослик дарсларида улардан фойдаланиш методикаси. План, харита, глобус билан ишлаш методикаси.