Ўзбекистон республикаси халқ таълими вазирлиги низомий номидаги тошкент давлат педагогика

1-АМАЛИЙ МАШҒУЛОТ:


Технология (меҳнат) дарсларида ўқувчиларни аппликация ясашга ўргатиш.


Машғулот мақсади: Тингловчиларга аппликациянинг турларини фарқлашга, иш қуролларидан тўғри фойдаланиш ҳамда ҳавфсизлик қоидаларига амал қилишга ўргатиш. Амалий иш турларини бажаришда мўлжал олишни ўргатиш.

Технология (меҳнат) дарсларида предмет, буюм ва турли нарсаларни

аппликация технологиясида тасвирлаш ўқувчиларнинг ақлий ривожлантиришга хизмат қиладиган кўп қиррали дарс турларидан бири бўлиб, улар шакл ва рангларни ажрата олишга ўргатади, ўқувчиларнинг

бадиий-эстетик ҳиссиётларини ва қўл майда моторикасини ривожлантиради. Аппликация дарслари ўқувчиларда тозалик, диққатни жамлаш каби сифатларни ҳам таркиб топтиради.

194
Аппликациянинг индивидуал ва жамоа шакллари турли мазмунда бўлиши мумкин.

Аппликация турлар бўйича уч хилга бўлинади:

1. 
   предметли аппликация;
   

2. 
   сюжетли - мавзули аппликация;
   

3. 
   декоратив аппликация.
   

Предметли аппликация - ўқувчилар қоғоздан қирқиш ва фонга алоҳида предмет тасвирларини ёпиштириш маҳоратини ўзлаштирадилар.

Фаолият хусусиятига кўра атрофдаги предметларни анча умумлашган шартли тасвирий предметлар, ҳалқ амалий санъати намуналарида ифодалаш мумкин бўлади.

Бошланғич босқичда ўқитувчи-педагог тайёрлаган қисмлардан предметни елимлайди: - турли рангдаги иккита копток, яримта бўлаклар, қўзиқорин-қалпокча ва оёқча; аравача - тўртбурчак асос ва думалоқ ғилдираклар. Ўқувчилар шакли, тузилиши, ранглар бирикмалари, ҳажми, фарқланган предметларни тасвирлашлари мумкин.

Предметли аппликация учун катта ҳажмдаги материалларни танлаш керак бўлади.

Декоратив аппликация - турли безаклар ҳосил қилиш билан боғлиқ бўлган фаолият тури. Декоратив аппликацияда ўқувчилар қирқиш маҳоратини ритм, симметрия бўйича турли ранг бирикмаларини турли безак элементларини бирлаштириш, қирқиш маҳоратини ўзлаштирадилар. Бу дарсларда ўқувчилар предметларни декоратив стиллаштириш, уларни тузилишига аҳамият бериш, намуналарни янги сифатлар билан бойитишни ўрганадилар. Бу дарсларда ўқувчилар яна қўйидагиларни ўрганади: предметларни ўзгартириш, уларнинг тузилишини умумлаштириш, намуналарни янги сифатлар билан таққослаш.