Ўзбекистон республикаси халқ таълими вазирлиги навоий вилояти педагог кадрларни қайта тайёрлаш ва малакасини ошириш институти

Халқимизнинг ҳаёт сифати ва даражасини юксалтириш, жумладан, янги уй-жойлар, замонавий йўл ва коммуникация тармоқларини барпо этиш, аҳоли пунктларини тоза ичимлик суви билан таъминлаш, коммунал хизмат соҳасидаги муаммоларни ечиш каби долзарб масалалар бўйичаи ҳам дастурда аниқ чора-тадбирлар белгиланиши керак

• Мамлакатимизда қишлоқ аҳолисининг турмуш даражасини яхшилаш, қишлоқларда замонавий ва сифатли уй-жойларни қуриш, ижтимоий соҳа объектларини барпо қилиш, қишлоқларнинг янги инфратузилмаларини шакллантиришга қаратилган кенг қамровли тадбирлар амалга ошириб келинмоқда.
•  Республикамизда ушбу жараённи кенг миқёсда молиявий қўллаб-қувватлаш, жумладан уй-жой-коммунал, ижтимоий соҳа ва қишлоқ аҳоли пунктларини ободонлаштириш борасидаги эҳтиёжларни амалга оширишда аҳоли ҳамда юридик шахсларга кредит бериш ва банк хизмати кўрсатиш, янги, замонавий қурилиш материаллари ва конструкциялари ишлаб чиқарадиган, тасдиқланган намунавий лойиҳалар бўйича қишлоқда объектлар қуришнинг индустриал ва йиғма технологияларини жорий этадиган корхоналарга кредит бериш ва универсал тижорат банки сифатида юридик ва жисмоний шахс­ларга комплекс тарзда банк хизматларини кўрсатилишни таъминлаш мақсадида Ўзбекистон Республикаси Президентининг 2009 йил 30 мартдаги ПҚ-1083-сонли Қарори билан «Қишлоқ қурилиш банк» ташкил этилган.

• 2009-2011 йиллар мобайнида замонавий типда тасдиқланган намунавий лойиҳалар бўйича хусусий уй-жой қуриш борасида амалга оширилган ишларни умумлаштирадиган бўлсак, ушбу даврда жами 622 та қишлоқ массивида 15 047 та намунавий уй-жой барпо этилгани бунинг яққол исботидир.

• 2012 йил давомида такомиллаштирилган намунавий лойиҳалар асосида жами 905,5 млрд. сўм қийматга эга бўлган 8 510 та уй-жой қурилиши режалаштирилган бўлиб, Осиё тараққиёт банки кредит линияси ва Молия вазирлигининг марказлаштирилган маблағлари ҳисобидан, қурилаётган уй-жой эгаларига жами 535,4 млрд. сўмлик имтиёзли банк кредитларини ажратилди.

• Обод ҳаёт деган тушунча азал-азалдан халқимизнинг онгу тафаккурида авваламбор фаровонлик, тўкинчилик, мўл-кўлчилик, қут-барака, бозорларда арзончилик маъносини ўзида мужассам этиб келади. Шунинг учун ҳам бугунги кунда халқ фаровонлиги тушунчаси Ватан равнақи ва юрт тинчлиги деган, биз учун энг азиз ва муқаддас бўлган қадриятлар билан биргаликда миллий ғоямизнинг асосий мазмун-моҳиятини ташкил этмоқда.