Ўзбекистон республикаси халқ таълими вазирлиги мактабгача таълим муассасалари ходимларини қайта

Мактабгача таълим муассасаси ва ота-оналарнинг ўзаро 
ҳамкорлигининг мазмуни 
З.Ережепова 
Қорақалпоғистон республикаси 
Халқ таълими вазирлиги
З.Худойберганова 
Қорақалпоғистон республикаси
ХТХҚТУМОИ 
Мактабгача таълим муассасаси ва оиланинг ҳамкорликдаги ишлари
бир тизимда олиб борилиши лозим. Бунинг учун мактабгача таълим 
муассасаси ва оила ҳамкорлигида олиб бориладиган ишларнинг истиқбол 
режасини тузиш муҳим аҳамиятга эга. Режада оила билан ҳамкорликда 
олиб бориладиган ишларнинг мақсад ва вазифалари аниқ кўрсатилиши 
лозим. 
Режа ишлаб чиқишда тарбияланувчиларнинг оилаларининг эҳтиѐжи, 
истаклари ва қизиқишларини ҳисобга олиш, шулар асосида мактабгача 
таълим йўналишларини аниқлаш лозим 
Ушбу истиқбол режа 6 қисмдан иборат бўлиб: 
1 – қисм. Реклама бўлимининг вазифаси: мактабгача таълимга болаларни 
жалб қилиш бўйича тарғибот ва ташвиқот ишларини олиб бориш. Бунинг 
учун реклама қилувчи буклетлар, варақалар, ота- оналар учун турли стендлар 
тайѐрлаш, муассасада ташкил қилинадиган ―Очиқ эшиклар куни‖, таълим 
хизматларининг рекламалари, матбуотда чоп қилинаѐтган янгиликлар билан 
таништириб бориш, ота- оналарга маслаҳатлар бериб бориш лозим.
2 – қисм. Ташхис бўлимининг вазифаси ота- оналарнинг таълим- тарбия 
соҳасидаги эҳтиѐжларини, мактабгача ѐшдаги болаларни тарбиялашдаги
ота- оналарнинг билим даражаларини, ота- оналарнинг МТМда олиб 
бориладиган таълим- тарбия сифати ҳақидаги фикрларини аниқлашдан 
иборат. Бу жараѐн саволномалар ўтказиш, интервьюлар, суҳбатлар, тестлар 
орқали амалга оширилади. 
3 – қисм. Бу бўлимда ота- оналар билан педагогик маънавий – маърифий 
ишлар олиб борилади.Ушбу қисмнинг мақсади ота- оналарнинг психологик- 
педагогик маърифий билимларини ошириб боради. Бу ишлар кўргазмали 
педагогик маърифат ишлари, ота- оналар мажлислари, услубий тадбирлар 
орқали амалга оширилади.