Ўзбекистон республикаси халқ таълими вазирлиги мактабгача муассасалар ходимларини қайта тайёрлаш ва

Керакли жиҳозлар: Сеҳрли таѐқча, саватча, сабзовотлар муляжлари. 
Машғулотнинг бориши: 
– Болалар, бугун тонгда гуруҳга келсам, бир сават сабзовотлар пайдо бўлиб 
қолибди. 
– Улар жуда чиройли экан. Уларни фойдали эканлигини биламиз-а? 
– Келинглар, биз ҳам сабзовотларга айланиб қолайлик-чи. 
–Бунинг учун ҳозир мен бир болани олдимга чақираман ва у дўстингиз шу 
саватчадаги сабзовотларга сизларни айлантиради. Бунинг учун бизга сеҳрли 
таѐқчамиз ѐрдам беради.
– У шундай дейди: 
Айлан, дўстим айлангин, 
Сен картошка бўлиб қолгин. 
– Энди, кейинги дўстимизни бирор сабзовотга айлантирамиз (―Сабзовотлар‖ 
ўйини). 
Шу тариқа ўйин давом этади. 
Ўйин сўнгида: 
– Мана дўстларимиз, худди саватчадаги сабзовотлар каби чиройли сабзовотларга 
айланишди. 
– Қани саволларимга қуйидаги тартибда жавоб беринг-чи. 
– Ўзинг, яъни мен деб айтинг-чи, нимага айландинг? – Мен картошкага айландим. 
– Дўстинг-чи? – Сен сабзига айландинг. 
– Яна бир дўстинг-чи? – У шолғомга айланди. 
– Тўғри. Энди сабзига айланган дўстимиз айтади! 
– Мен сабзига айландим. 
– Сен картошкага айландинг. 
– У шолғомга айланди. 
– Баракалла! Келинглар, шу сабзовотларни солиб қўйган саватча ҳақида шеър 
айтамиз (бармоқларда саватча кўрсатилади). 
Сават олиб бордим мен полиз томон, 

---

26 
Сабзовотларни тердим беармон. 
Ҳаракатли ўйин «Сабзавотчи» 
1.«Сабзавотчини» танлаш 
Ўсар бизнинг полизимиз 
Иссиқ қуѐш нурида 
Полизда кўпдир ариқ 
Бордир унда сабзи сариқ 
Пиѐз, карам, лавлаги 
Картошканинг навбати 
Ҳосилимиз ранг–баранг 
Бир йилга етар қаранг. 
2. «Сабзавотчи» даврага чиқиб, оѐғини ерга уради; 
3. Ҳамма: «Ким келди?» 
4. «Сабзавотчи», «Сабзавотчи»; 
5. Ҳамма: «Нимага келдинг?» 
6. Сабзавотчи: «Картошкага (карамга, сабзига ва ҳ. к.)» 
7.Барча болалар даврада айланиб айтадилар: 
Картошкажон, картошка(карам, сабзи ва ҳ.к.) 
Сен бизларни боқасан 
Уйда бўлса картошка 
Йил бўйи тўқ бўласан. 
8. Болалардан биттаси сабзавот номини баланд овоз билан айтади: «Картошка» 
9. «Сабзавотчи» гапирган болани топиб, қувлаб кетади. 
10.Кейин қувлаб ушланган бола «Сабзавотчи» бўлади. 
(ўйин 1- 2 марта ўйналади.)
Ўйин ўйналиб бўлгач, тарбиячи болаларга савол билан ѐндашади. 
-Сен нима қилдинг?-Мен ўйнадим. 
Дўстинг-чи? Дўстингга нима дейсан? –Сен ўйнадинг. 
Яна бир дўстинг-чи?- У ўйнади. 
Тарбиячи шу тариқа болаларга феълларни шахс-сонда тўғри туслашни машқ 
қилдиради. 
Топшириқ бажарилгач, болалар рағбатлантирилиб, машғулот якунланади.