Ўзбекистон республикаси халқ таълими вазирлиги мактабгача муассасалар ходимларини қайта тайёрлаш

 
 
6-машғулот 
Мавзу Шахсий ҳаѐтдан ҳикоя тузиш. ―Туғилган кун" 
Мақсад: 
Тарбиячи таклиф этган мавзу бўйича ўз шахсий ҳаѐтидан қисқа ҳикоя тузишга 
ўрганиш. 
Вазифалар: 
Сўзлашув нутқини шакллантириш. Сўзларни аниқ ва бурро айтиш. 
Сўзлаѐтганда тўғри нафас олишни ривожлантириш. Нутқнинг ифодалилигини 
тарбиялаш.От, сифат, феълга синоним сўзлар топишни машқ қилиш 
Сўзларни бўғинларга бўлишни машқ қилиш 
Кутилаѐтган натижалар: 
Болаларнинг сўзлашув нутқи ривожланади. 
Болаларда ўз фикрини нутқда ифодалаш кўникма ҳамда малакалари шаклланади. 
Сўзларни бўғинларга бўлишга ўрганадилар. 
Керакли жиҳозлар: 
Ўйинчоқ, идиш, ҳайвон, паррандалар суратлари 
Машғулотнинг бориши 
 Болалар, бугун биз энг қувончли кун ҳақида суҳбатлашамиз. Қани бир эслангчи, яқинда 
гуруҳимизда кимнииг туғилган куни бўлиб ўтди. Тўғри, Азизанинг туғилган куни бўлган эди. 
Шу куни қувноқ мусиқа янгради. Биз Азиза учун шеър, қўшиқ, рақслар ижро этдик, Азизага 
расмли китобча совға қилган эдик. Шу куни ҳаммамиз хурсанд бўлиб, уйга байрам руҳида 
кетдик. 
Биз ҳозир "Туғилган кунда" мавзусида ҳикоя тузишга ўрганамиз. Қани бир эсланг-чи, 
сизнинг ҳам туғилган кунингизни уйда нишонлашганми? 
Кимлар келган? Нима совға қилишган? Қандай қизиқарли воқеалар бўлган ѐки сиз ўртоғингизни 
туғилган кунига боргандирсиз. Ким билан бордингиз. Қандай совға олиб боргансиз? 
Шу кун қандай қизиқарли воқеалар билан тугади? 
Болалар ҳикоя қилишда қийналсалар тарбиячи ҳикоя намунасини беради. 
Бир кун ойим мени ювиб-тараб, янги кўйлак кийгаздилар. Шаҳло ўртоғингни туғилган кунига 
борамиз дедилар. Мен жуда хурсанд бўлиб кетдим. Биз меҳмонга бордик. Мен совғани Шаҳлога 
бердим. Биз Шаҳло билан олдин қувлашмачоқ ўйнадик. Кейин хола-хола ўйнадик. Кечқурун 
меҳмондан уйимизга қайтиб келдик. Тарбиячи намунасидан сўнг 3 — 4 бола ҳикояси тингланади. 
Ҳикоя қилишда қийналганларга ѐрдам бериш билан ѐндошади.