Ўзбекистон республикаси халқ таълими вазирлиги бухоро вилоят ҳокимлиги халқ таълими бошқармаси бухоро вилоят халқ таълими ходимларини қайта

ОНА ТИЛИ ФАНИНИ ЎҚИТИШДА ФСМУ ТЕХНОЛОГИЯСИДАН ФОЙДАЛАНИШ 
Тошпўлатова Р., Жиззах шаҳар 10-умумтаълим мактаб ўқитувчиси 
Мингбоев У, Жиззах ВХТХҚТМОИ “Табиий ва аниқ фанлар таълими” кафедраси мудири в.б. 
Она тили ва адабиёт фанларини ўқитиш жараёнига янги таьлим технологияларини 
татбиқ этиш она тили ва адабиёт фанлари бўйича ўқувчиларга чуқур назарий билимлар бериш, 
назарий билимлар асосида амалий фаолият кўникма ва малакаларини шакллантириш, 
такомиллаштириш имконини беради. Ҳозирда бошқа фан соҳалари қатори она тили ва адабиёт 
фанларида ҳам ўқитишнинг замонавий технологияларидан унумли фойдаланилмоқда. 
Шундай педагогик технологиялардан бири “ФСМУ” технологиясидир.
ФСМУ технологияси мунозарали масалаларни ҳал этишда, баҳс-мунозаралар 
ўтказишда ёки ўқув-семинари якунида (ўқувчиларнинг ўқув-семинари ҳақидаги фикрларини 
билиш мақсадида) ёки ўқув режаси асосида бирон бўлим ўрганиб бўлингач қўлланиши 
мумкин, чунки бу технология ўқувчиларнинг ўз фикрини ҳимоя қилишга, мустақил ва эркин 
фикрлаш, ўз фикрини бошқаларга асосли равишда ифода этишга, очиқ ҳолда баҳслашишга, 
шу билан бир қаторда ўқувчиларнинг ўқув жараёнида эгаллаган билимларини таҳлил этишга, 
қай даражада эгаллаганликларини баҳолашга ҳамда ўқувчиларни баҳслашиш маданиятига 
ўргатади. 
Ушбу технология ўқувчиларга тарқатилган оддий қоғозга ўз фикрларини аниқ ва қисқа 
ҳолда ифода этиб, тасдиқловчи далиллар ёки инкор этувчи фикрларни баён этишга ёрдам 
беради. 
ЎТКАЗИШ ТЕХНОЛОГИЯСИ 
Ушбу технология бир неча босқичда ўтказилади: 
1– босқичда: 
-ўқитувчи ўқувчилар билан бирга баҳс мавзусини ёки муҳокама этилиши керак бўлган 
муаммони ёки ўрганилган бўлимни белгилаб олади; 
-ўқитувчи дарсда аввал ҳар бир ўқувчи якка тартибда ишлаши, кейин эса кичик 
гуруҳларда иш олиб борилиши, ва ниҳоят, дарс охирида жамоа бўлиб ишланиши ҳақида 
ўқувчиларга маълумот беради; 

---

139 
-дарс давомида ҳар бир ўқувчи ўз фикрини эркин ҳолда тўлиқ баён этиши мумкинлиги 
эслатиб ўтилади.