Ўзбекистон республикаси фуқароларининг ҳарбий хизматни ўташ тартиби тўҒрисидаги низомни тасдиқлаш ҳАҚида ўзбекистон Республикасининг «Умумий ҳарбий мажбурият ва ҳарбий хизмат тўғрисида»

2-§. Бошланғич ҳарбий унвонни бериш тартиби
219. Ҳарбий унвонларни бериш учун тақдимномалар, бошқа ҳужжат ва буйруқларнинг
шакл ва мазмуни, шунингдек уларни расмийлаштириш ва тақдим этиш тартиби (генераллар
таркиби бундан мустасно) вазирлик раҳбари томонидан белгиланади.
Навбатдаги ҳарбий унвоннинг берилишини асоссиз равишда кечиктирган
командирлар (бошлиқлар) белгиланган тартибда интизомий жавобгарликка тортилади.
220. Қуйидагилар бошланғич ҳарбий унвонлар ҳисобланади:
а) бошқа ҳарбий унвони бўлмаган муддатли ҳарбий хизматчилар ва контракт бўйича
ҳарбий хизматчилар учун — «оддий аскар (матрос)»;
б) сержантлар таркиби учун — «кичик сержант (старшина)»;
в) офицерлар таркиби учун — «лейтенант»;
г) генераллар таркиби учун — «генерал-майор».
221. «Оддий аскар (матрос)» ҳарбий унвони муддатли ҳарбий хизматга чақириш ёки
контракт бўйича ҳарбий хизматга қабул қилиш вақтида ҳарбий унвони бўлмаган
фуқароларга берилади.
222. «Кичик сержант» ҳарбий унвони қуйидагиларга берилади:
а) вазирликлар тасарруфидаги таълим муассасаларининг тегишли дастурлари бўйича
мутахассисларни тайёрлаш курсларини тамомлаган контракт бўйича ҳарбий хизматчиларга;
б) вазирликлар тасарруфидаги таълим муассасаларининг тегишли дастурлари бўйича
мутахассисларни тайёрлаш курсларида тайёргарликдан ўтишни талаб қилмайдиган

---

сержантлар таркиби лавозимларидаги контракт бўйича ҳарбий хизматчиларга, шунингдек
интизомий рағбатлантириш тартибида;
в) олий ҳарбий таълим муассасаларининг курсантларига — ўқишдаги юқори
натижалар ва намунали ҳарбий интизом учун.
223. «Лейтенант» ҳарбий унвони қуйидагиларга берилади:
а) ҳарбий хизматчиларга — олий ҳарбий таълим муассасасини тамомлаб тегишли
ҳарбий ихтисосликни олгандан сўнг;
б) олий ҳарбий таълим муассасаларида улар бўйича мутахассислар тайёрланмайдиган
тегишли ҳарбий-ҳисоб ихтисослигига мос келадиган олий фуқаролик маълумотига эга
бўлган ҳамда офицерлар таркибининг лавозимига контракт бўйича ҳарбий хизматга
тайинланган ҳарбий хизматчиларга — лавозимга тайинланганидан сўнг;
в) олий фуқаролик маълумотига эга бўлган ҳамда офицерлар таркиби лавозимига
тайинланган оддий аскар ва сержантлар таркибига мансуб контракт бўйича ҳарбий
хизматчиларга — олий ҳарбий таълим муассасалари қошидаги курсларни тамомлаганидан
сўнг;
г) олий таълим муассасаларнинг ўқув бўлинмалари ва ҳарбий йиғинларда ҳарбий
тайёргарликдан ўтган ҳамда белгиланган давлат имтиҳонларини топширган фуқароларга
(захирадаги лейтенант);
д) тегишли ҳарбий ҳисоб ихтисослигига мос келадиган олий фуқаролик маълумотига
эга бўлган ҳарбий хизматга мажбурларга — олий ҳарбий таълим муассасалари қошидаги
офицерлар таркибини тайёрлаш курсларини тамомлагач ҳамда резерв офицерлари
таркибига киритиш учун аттестациядан ўтказилгандан сўнг.