Ўзбекистон Республикаси Давлат статистика қўмитаси

5.3. 
Барқарорлик 
Стратегик мақсадлар ва белгиланган устувор йўналишларнинг 
аксарияти статистик ва институционал инфратузилмани мустаҳкамлашга 
қаратилган. Табиийки, янги тартиботларни амалдаги тартиботлар ўрнига 
тадбиқ этилгандан сўнг ресурслар тежалишига эришилади. Янги 
тизимлар билан боғлиқ ҳолда, мавжуд тузилма ва ишларни 
оптималлаштириш орқали улар сезиларли самарадорликни ҳамда 
ресурсларни тежашни таъминлайди. Ўз навбатида, ушбу тежалган 
ресурсларни ўқитиш бўйича янги тадбирларга сарфлаш мумкин бўлади.
Самарадорликни ошириш ҳисобидан тежалган маблағларнинг
бир қисмини малакали мутахассисларни жалб этиш ва сақлаш, уларнинг 
лозим даражада рақобатбардошлигини таъминлаш учун иш ҳақига 
йўналтириш мумкин. Кенг қамровли ўқув дастурлари эвазига
эса малакали мутахассислар қамровини оширишга эришилади.
Босқичма-босқич янгилаб бориш ва сифатли хизмат кўрсатиш 
орқали янги жиҳозлар ва дастурий таъминотларни қатъий равишда
янгилаш зарур бўлган ҳолатга келгунига қадар фойдаланиш муддатини 
10 йилгача узайтириш мумкин. 

---

2020-
2025 йилларда Ўзбекистон Республикасининг
статистикани ривожлантиришнинг миллий стратегияси
179 
Шу ўринда, ахборот-коммуникация ва булутли технологияларнинг 
жадал суръатлар билан ривожланиб бориши, шунингдек, маълумотларга 
бўлган 
талабнинг 
ошиши, 
дастурий 
таъминотнинг 
муайян 
компонентларини тез-тез алмаштириб турилишини тақозо этиши мумкин 
ва бу умумий бюджетни тузишда ҳисобга олиниши лозим.
5.4. 
Амалга ошириш графиги ва ресурслар 
СРМСни муваффақиятли амалга ошириш узоқ муддатли жараён 
ҳисобланади ҳамда сезиларли миқдорда молиявий ва бошқа 
ресурсларни сафарбар этилишини талаб қилади. Харажатларнинг 
асосий компонентлари ўз ичига АКТ инфратузилмасига ҳамда тегишли 
компонентлар бўйича консалтинг хизматлар, ўқитиш, семинар-
треннинглар ва тажриба алмашиш юзасидан хизмат сафарлари ташкил 
этиш учун техник қўллаб-қувватлашга қаратилган харажатларни қамраб 
олади. Йиллар ва компонентлар кесимида харажатлар тақсимоти
3-
иловада батафсил келтириб ўтилган.