Ўзбекистон Республикаси Давлат солиқ қўмитаси 2019 йилда солиқ қонунчилигига киритилаётган ўзгаришлар юзасидан

Солиқ ҳисоб-китоблари қайси муддатларда тақдим этилади
Сув ресурсларидан фойдаланганлик учун солиқ ҳисоб-китоби сувдан фойдаланиш ёки сув истеъмоли жойидаги давлат солиқ хизмати органларига йилига бир марта - йиллик молиявий ҳисобот тақдим этиладиган муддатда тақдим этилади.


ЮРИДИК ШАХСЛАР ТОМОНИДАН ЯГОНА ИЖТИМОИЙ ТЎЛОВНИ ҲИСОБЛАШ ВА ТЎЛАШ ТАРТИБИ

Мазкур қўлланма Солиқ кодекси ва Ўзбекистон Республикаси Президентининг 2018 йил 29 июндаги “Ўзбекистон Республикасининг солиқ сиёсатини такомиллаштириш концепцияси тўғрисида”ги

ПФ-5468-сонли Фармонига ҳамда солиқ соҳасидаги бошқа қонун ҳужжатларига мувофиқ ишлаб чиқилган.

Мазкур қўлланма:
Бюджет ташкилотлари ва давлат корхоналари, устав жамғармаси (капитал)да давлат улуши 50 фоиз ва ундан кўпроқ бўлган юридик шахсларга ҳамда қолган барча юридик шахсларга (фермер хўжаликлари,
микрофирмалар ва кичик корхоналар) шунингдек, давлат солиқ хизмати ходимларига амалий ёрдам бериш учун мўлжалланган.

Қуйидаги юридик шахслар ягона ижтимоий тўлови тўловчилари ҳисобланади.

Юридик шахслар - Ўзбекистон Республикаси резидентлари;

Ўзбекистон Республикасида фаолиятни доимий муассаса, чет эллик юридик шахсларнинг ваколатхоналари ва филиаллари орқали амалга оширувчи Ўзбекистон Республикаси норезидентлари.


Солиқ солинадиган база қандай аниқланади?

Ягона ижтимоий тўловнни ҳисоблаб чиқариш учун солиқ солинадиган база иш ҳақи тарзида тўланадиган даромадлар суммасидан имтиёзлар чегирилган ҳолда аниқланади.(Амалдаги Солиқ кодексининг 307-моддаси)

Имтиёзлар Ягона ижтимоий тўлов бўйича имтиёзлар Ўзбекистон Республикаси амалдаги Солиқ кодексининг 308-моддасида ҳамда бошқа норматив-ҳуқуқий ҳужжатлар билан белгиланади.