Ўзбекистон республикаси давлат божхона қЎмитаси

7-МАВЗУ 
АЙРИМ ТУРДАГИ ЖИНОЯТЛАРНИ ФОШ КИЛИШ УСЛУБИЁТИ.
 
Режа: 
 
1. Жиноятларни тергов қилиш услубиѐти. 
2. 
Жиноятларни тергов қилишнинг хусусий криминалистик 
услубиѐтларини тузиш ва таснифлаш тамойиллари 
3. 
Жиноятларни тергов қилишдаги хусусий криминалистик 
услубиѐтларнинг таркибий тузилиши 
1. Жиноятларни тергов қилиш услубиѐти. 
Жиноятларни тергов қилиш услубиѐти криминалистика фанининг 
якунловчи бўлими ҳисобланади. У қонунийлик талабларига мувофиқ ҳолда, 
тергов ва суриштирувни самарали ўтказиш бўйича илмий тавсияларни ишлаб 
чиқиш мақсадида жиноятларни очиш, тергов қилиш ҳамда уларнинг олдини 
олишни ташкил қилиш ва амалга ошириш қонуниятларини ўрганади. Бу 
қонуниятлар жиноят аломатлари бўлган ҳодисалар ҳақидаги дастлабки 
ахборотни текшириб, жиноятларни тергов қилиш чоғида исботланиши лозим 
бўлган ҳолатларни аниқлайди. Шунингдек жиноят ишларининг ҳар хил 
турлари бўйича ҳақиқатни аниқлаш учун тергов ҳаракатларини ва жиноят-
процессуал қонунида назарда тутилган бошқа чора-тадбирларнинг 
дастурларини 
ишлаб 
чиқиш, 
жиноятларни 
тергов 
қилиш 
учун 
қўлланиладиган тергов ҳаракатларини тайѐрлаш ҳамда ўтказиш ва шу 
кабиларнинг энг муҳим хусусиятларини ҳам акс эттиради. Уларни билишга 
жиноятларни очиш, тергов қилиш ва олдини олиш билан боғлиқ объектларни 
криминалистик нуқтаи назаридан ўрганиш, тергов фаолиятининг асосий 
ривожланиш йуналишларини умумлаштириш ва аниқлаш, шунингдек тергов 
ва суриштирувни ташкил этиш ҳамда уларни ўтказишдаги типик алоқалар ва 
ўзаро боғлиқликнинг барқарор жиҳатларини текшириш ҳамда аниқлаш йўли 
билан эришилади. 
Криминалистик услубиѐтни ўрганадиган қонуниятлар ўз хусусиятига 
кўра икки қисмдан: умумий қоидалар ва жиноятларни тергов қилишнинг 
хусусий (турга оид) услубиѐтлар тизимидан иборат.