Ўзбекистон республикаси бош прокуратураси академияси мамасиддиқов музаффаржон мусажонович

Монография, унинг тузилиш ва талаблари:
Монография – бир ёки бир неча муаллифлар томонидан муайян муаммо ёки мавзуни тўлиқ ва батафсил тадқиқ этишга бағишланган илмий ёки илмий-оммабоп нашр. Монография китоб шаклида чоп этилади. Монографияни чоп этишдан мақсад амалга оширилган илмий ва амалий ишларнинг натижаларини умумлаш-тириш ҳисобланади. Монографияда муайян масала юзасидан тегишли адабиётлар таҳлил этилади ва умумлаштирилади, фанни ривожлантиришга йўналтирилган янги ғоялар ва гипотезалар илгари сурилади. Докторлик диссертациялари доирасида амалга оширилган тадқиқотларнинг муайян қисми монография кўринишида илмий жамоатчиликка тақдим этилиши мумкин.
Монографиянинг ҳажми 12,0 босма табоқдан кам бўлмаслиги керак ва унинг қуйидаги тузилиш компонентларидан иборат бўлиши тавсия этилади: муқова; титул варағи; титул варағининг орқа томони; муқова; кириш; асосий қисм; адабиётлар рўйхати; илова.
Монографияни кўриб чиқиш, тасдиқлаш ва чоп этишга тавсия этиш ОУЮ Илмий-услубий кенгаши томонидан амалга оширилади.
Кенгашда кўриб чиқиш учун монография қўлёзмаси билан бирга қуйидаги ҳужжатлар тақдим қилинади:

• Илмий нашрнинг проспект режаси (намуна илова қилинади);
• Монографияни нашр этишга тавсия этиш тўғрисидаги тегишли кафедранинг мажлис баённомасидан кўчирма;
• Ички ва ташқи тақриз, Илмий-услубий Кенгаш томонидан белгиланган эксперт хулосаси.

Илмий-услубий Кенгаш биринчи навбатда фан доктори илмий даражасини олиш билан боғлиқ монографияларни кўриб чиқади ва чоп этишга тавсия этади.
Ички ва ташқи тақризчи, экспертлар томонидан ижобий баҳоланган ва Кенгаш муҳокамасида чоп этишга тавсия этилганлиги ҳақида Кенгаш мажлиси баённомасидан кўчирма тақдим этилади.

Халқаро стандарт рақам (ISBN International Standard Book umber) – китобларни савдо тармоқларида тарқатиш ва нашр билан боғлиқ ишларни автоматлаштириш учун зарур бўлган китоб нашрининг уникал рақами. ISBN рақами ҳар бир китобни алоҳида аниқлаш имконини беради. Мазкур рақам асосида китобнинг штрих коди яратилади.