|
Судьялар дахлсизлигини таъминлаш бўйича суд инспекцияси ва тегишли судьялар малака
ҳайъатлари Кодексда белгиланган қоидаларни бузилишининг олдини олиш юзасидан
чоралар кўради ва уларга риоя қилиниши устидан назоратни амалга оширади.
Суд инспекцияси ўз зиммасига юклатилган вазифаларни амалга ошириш чоғида судьялар
малака ҳайъатлари билан ҳамкорлик қилади.
Суд инспекцияси Ўзбекистон Республикаси Судьялар олий кенгашига ушбу Кодекснинг
бузилишига йўл қўйган судьяга нисбатан тегишли чораларни кўриш ҳақида таклифлар киритади.
Кодекснинг 20-моддисига Кодекс қоидалари бузилганлиги ҳақида хабар бериш тартиби
белгиланган. Ҳар бир судья ўз ҳамкасбининг ушбу Кодексда белгиланган қоидаларни
бузаётганини аниқласа, унга ушбу Кодекс қоидаларини эслатиб қўйиши, бундай ҳулқ-атворга чек
қўйишини таъкидлаши шарт. Зарур вазиятда, Кодекс қоидаларининг бузилиши ҳолати юзасидан
тегишли судьялар малака ҳайъатига ёки Ўзбекистон Республикаси Судьялар олий кенгашига
мурожаат қилиши лозим.
Ўзбекистон
Республикаси
Судьялар
олий
кенгаши
Судьялар
дахлсизлигини таъминлаш бўйича суд инспекцияси ва тегишли судьялар
малака айъатлари ушбу Кодексда белгиланган қоидаларни бузилишининг олдини
олиш юзасидан чоралар кўради ва уларга риоя қилиниши устидан назоратни амалга
оширади.
Кодексда белгиланган қоидаларни бузиш қонун ҳужжатларига мувофиқ жавобгарликка
сабаб бўлади.
§ 2.5. Ўзбекистон Республикаси Вазирлар маҳкамасининг “Давлат бошқаруви органлари
ва маҳаллий ижро этувчи ҳокимият органлари ходимларининг одоб-ахлоқ намунавий
қоидаларини тасдиқлаш тўғрисида”ги 2016 йил 2 март куни қабул қилинган 62-сонли
қарори талаблари
Давлат бошқаруви органлари ва маҳаллий ижро этувчи ҳокимият органлари ходимлари
одоб-ахлоқининг ягона принциплари ва қоидаларини белгилаш, уларнинг ўз хизмат
вазифаларини виждонан ва самарали бажаришлари учун шарт-шароитлар яратиш, давлат
хизматида суиистеъмолликларнинг олдини олиш мақсадида, Вазирлар Маҳкамасининг 2016
йил 2 мартдаги 62-сон қарори қабул қилиниб, у билан Давлат бошқаруви органлари ва
маҳаллий ижро этувчи ҳокимият органлари ходимларининг одоб-ахлоқ Намунавий қоидалари
тасдиқланди.
52
Ушбу Намунавий қоидаларнинг қабул қилиниши натижасида, барча
давлат органлари тизимида касб этикасининг ўзига хос намунавий
қоидалари яратилди.
Мазкур норматив-ҳуқуқий ҳужжат давлат хизматчилари томонидан ҳуқуқбузарликнинг
олдини олишга, улар содир этилишининг сабаб ва шарт-шароитларини бартараф этишга,
давлат хизматчиларини юксак ҳуқуқий онг, Ўзбекистон Республикасининг Конституцияси,
қонунлари ва бошқа норматив-ҳуқуқий ҳужжатларига, фуқароларнинг ҳуқуқ ва
эркинликларига қатъий риоя қилиш руҳида тарбиялашга йўналтирилган бўлиб, унда давлат
хизматчиларининг хизматдаги хулқ-атворининг асосий принциплари ва қоидалари, Одоб-
ахлоқ қоидаларини бузганлик учун жавобгарлик масалалари белгилаб берилди.
Шу билан бирга, кўрсатиб ўтилган Одоб-ахлоқ қоидаларида ҳар бир давлат органларида
Одоб-ахлоқ комиссияларининг ташкил этилиши ҳамда уларнинг вазифлари ва
функцияларининг белгиланиши назарда тутилиб, бунда давлат органлари хизматчилари
олдига ўз хизмат вазифаларини бажаришда давлат принциплари ва талабларига қатъий риоя
этиш, ўз хизмат вазифаларини виждонан, юксак касбий даражада бажариш, юқори давлат
органлари ва мансабдор шахсларининг ўз ваколатлари доирасида қабул қилган қарорларини
ўз вақтида ва сифатли бажариш, ўз хизмат вазифаларини бажаришда бирор-бир шахслар,
гуруҳлар ёки ташкилотларга ён босмаслик ва устунлик бермаслик, уларнинг таъсиридан
мустақил бўлиш, фуқароларнинг ҳуқуқлари, мажбуриятлари ва қонуний манфаатларини
ҳисобга олиш, камситиш ҳолатларига йўл қўймаслик, хизмат мавқеидан давлат органлари,
бошқа ташкилотлар, уларнинг мансабдор шахслари, шунингдек фуқаролар фаолиятига
ноқонуний таъсир кўрсатиш учун фойдаланмаслик, давлат органида хабарларни ва хизмат
ахборотларини тақдим қилишнинг белгиланган қоидаларига риоя этиш ва шу каби бир қатор
мажбуриятларни бажариш билан боғлиқ тартиб-таомиллар белгиланди.
Ушбу вазифаларни ҳар бир давлат органи тизимида бажарилишини таъминлаш мақсадида,
вазирлик ва идораларда ўз фаолияти хусусиятларини ҳисобга олган ҳолда, Одоб -ахлоқ
қоидалари асосида марказий аппарат, ҳудудий ва таркибий бўлинмалар ходимлари учун
мажбурий бўлган ходимларнинг идоравий одоб-ахлоқ қоидалари ишлаб чиқилди, шунингдек
уларда Одоб-ахлоқ комиссияси тўғрисидаги низом ва унинг шахсий таркиби тасдиқланди.
Таъкидлаш лозимки, Қоидаларга
мувофиқ, давлат
органларида Одоб-ахлоқ
қоидаларининг бузилиши ҳолатларини махсус таркибий бўлинма ёки Одоб-ахлоқ комиссияси
томонидан кўриб чиқиш натижалари бўйича интизомий ёки бошқача тарздаги қоида
бузилишларининг мавжудлиги (мавжуд эмаслиги) тўғрисида хулоса чиқарилиши, айни
вақтда давлат органи раҳбарининг кўриб чиқишига қоидалар бузилишини содир этган давлат
хизматчисини жавобгарликка тортиш тўғрисида таклиф киритиши, йўл қўйилган қоида
бузилишининг характерини ҳисобга олган ҳолда, Одоб-ахлоқ комиссияси давлат
хизматчисига нисбатан Одоб-ахлоқ қоидаларининг бузилишига йўл қўймаслик тўғрисидаги
огоҳлантириш билан чекланиши мумкинлиги қоидалари белгиланди.
Шунингдек, қонун ҳужжатида давлат хизматчилари ўзлари йўл қўйган қоида бузилиши,
қоида бузилишининг кўриб чиқилиши жараёни ҳақида ахборотни олиш ва ўзини ҳимоя қилиш
учун далилларни тақдим этиш, шу билан бирга давлат органининг қарорлари юзасидан
белгиланган тартибда шикоят қилиш ҳуқуқига эга эканлиги масалалари ҳам ёритиб берилди.
Бундан ташқари, Намунавий қоидаларга мувофиқ, давлат хизматчилари хушмуомала,
илтифотли, одобли, эътиборли, фуқаролар ва ҳамкасблари билан муносабатда сабр-тоқатли
бўлиши, уларни ҳурмат қилиши шартлиги, давлат хизматчилари ўзига бўйсунувчиларга ва
фуқароларга нисбатан қўполлик қилмаслиги, одамларнинг шаъни ва қадр-қимматини
камситмаслиги, уларга асоссиз психологик ва жисмоний таъсир кўрсатиш ҳолатларига йўл
қўймаслиги кераклиги белгиланди.
53
Do'stlaringiz bilan baham: |
