Ўзбекистон Республикаси Алоќа ва ахборотлаштириш вазирлиги

 

---

4 
КИРИШ 
Ўзбекистонга Ахборот телекоммуникация технологияларининг жадал суръатлар 
билан кириб келиши ахборот-ресурс, ахборот-кутубхона марказари (АРМ, АКМ) ва 
кутубхоналарда автоматлаштирилган ахборот кутубхона тизимлари ва электрон 
кутубхоналар яратиш ишларини ривожлантирди. Ўзбекистон кутубхоначилик ишини 
автоматлаштириш имкониятини берувчи миллий дастурлар яратилди. Алишер Навоий 
номидаги Ўзбекистон Миллий кутубхонаси мутахассислари, Абдулла Қодирий номидаги 
Тошкент Давлат Маданият институти профессор-ўқитувчилари ҳамкорликда яратган 
“Корпоратив ахборот-ресурс марказларининг автоматлаштирилган тизими” (KARMAT) 
дастури мазкур соҳада яратилган дастурлардан ўзининг мукаммаллиги, соддалиги ва 
фойдаланишда қулайлиги билан ажралиб туради. Тизим электрон каталоглаштиришнинг 
халқаро ва миллий талабларига жавоб беради. Библиографик маълумотларни 
импорт/экспорт қилиш iso 2709 стандарти орқали амалга ошади. KARMAT тизимини 
ахборот кутубхона, ахборот ресурс марказлари ва кутубхоналарга тадбиқ қилиш асосий 
кутубхона жараёнларини автоматлаштириш имкониятини берди. 
Электрон кутубхона маълумотлар базасини китобхонлар талаби асосида 
шакллантириш электрон ресурслар фондини яратишда муҳим омил ҳисобланади. Электрон 
фондни танлаш ва уни каталоглаштиришда китобхонларнинг талаб ва истакларини ҳисобга 
олиш электрон кутубхонадан фойдаланувчилар сонининг ошишига, кутубхонанинг 
самарали фаолият кўрсатишига олиб келади. Демак, электрон кутубхона маълумотлар 
базасини шакллантиришда китобхонларнинг талабларини ҳисобга олиш, рад этилган 
буюртмалар билан ишлаш моделлари, алгоритмлари ҳамда уларга асосланган дастурий 
восита ишлаб чиқиш АРМ, АКМ ва кутубхона жараёнларини автоматлаштириш соҳасидаги 
ўз ечимини кутаётган долзарб вазифалардан бири экан. 
Ишдан мақсад: Автоматлаштирилган ахборот кутубхона тизими ва электрон 
кутубхоналарнинг электрон каталогида бўлмаган адабиётларга буюртма бериш модели ва 
алгоритми ҳамда дастурини ишлаб чиқиш. Китобхонлар талаби асосида буюртмаларни 
шакллантириш, рад этилган буюртмалар билан ишлаш модели, алгоритми ҳамда дастурини 
яратиш.