Zbekiston respublikasi aksiyadorlik tijorat xalq banki

Бошқарув Раисининг
биринчи ўринбосари Д. Нуритдинов

Нусхаси:

Ўзбекистон Республикаси Президенти Администрациясига Ўзбекистон Республикаси Ҳисоб палатасига

Ўзбекистон Республикаси Президенти Ш.М.Мирзиёевнинг 2020 йил
26-27 июнь кунлари Наманган вилоятига ташрифи давомида берилган топшириқлар ва кенгайтирилган тарзда ўтказилган 47-сонли йиғилиш баёнининг 44-бандида вилоятда мева-сабзавотчилик, чорвачилик, қуёнчилик, паррандачилик ва асаларичилик йўналишидаги кластерларни ташкил этувчи салоҳиятли ташаббускорларни аниқлаб, жорий йил якунига қадар кластерлар фаолиятини йўлга қўйиш юзасидан топшириқ берилган.
Мазкур топшириқ ижросини таъминлаш мақсадида, Халқ банкига бириктирилган чорвачилик йўналиши бўйича Поп туманида “Асадбек Чоркесар” ФХ, “Чоркесар эчкичилик кластери” ХК ва “Юксалишга харакат” МЧЖлар томонидан чорвачилик кластерлари фаолияти йўлга қўйилди.
Ташаббускорлар фаолиятида давомида, хусусан “Асадбек Чоркесар” ФХ томонидан аҳолини касаначилик асосида иш билан банд этиш мақсадида Қирғизистон давлатининг Бишкек шаҳридаги ООО “Тянь Шань трейд” хўжалигидан 90,0 минг АҚШ доллари кредит ҳисобига 1 000 бош наслли эчкилар олиб келинди, шунингдек, ўз маблағи ҳисобидан чет давлатдан 993 бош эчки олиб келинди ва ўзида мавжуд маҳаллий 893 бош эчкилар билан биргаликда жами 2 886 бош эчкилар аҳолини касаначилик асосида банд қилиш мақсадида “Ҳар бир оила-тадбиркор” дастурига асосан тарқатиб берилди.
Шунингдек, “Асадбек Чоркесар” ФХ томонидан Хитой давлатидан 140,0 минг АҚШ доллари кредит ҳисобига жунни қайта ишлаш ва тайёр маҳсулот ишлаб чиқариш дастгоҳлари олиб келиб ўрнатилди, бунинг натижасида майда шохли чорва молларининг жун маҳсулотлари фермер хўжаликлари ва аҳолидан йиғиб олиниб қайта ишлаш ҳисобига тайёр маҳсулотлар ишлаб чиқариш йўлга қўйилди ҳамда аҳоли иш билан таъминланди.
“Чоркесар эчкичилик кластери” ХК ўз маблағи ҳисобидан Қирғизистон давлатидан 500 бош қўй-эчки олиб келди ва “Ҳар бир оила-тадбиркор” дастурига асосан аҳолига тарқатиб берилди.
Бугунги кунда, “Юксалишга харакат” МЧЖ томонидан 1,0 млрд. сўм кредит эвазига Қирғизистон давлатидан 1 000 бош наслли эчки олиб келиб аҳолига тарқатиш чоралари олиб борилмоқда.