Zbekiston respublikasi aksiyadorlik tijorat xalq banki

Ўзбекистон Республикаси Вазирлар Маҳкамасига

2020 йил 30 сентябрдаги 21/1-2133-сонли топшириқ ижроси юзасидан.

Акциядорлик тижорат Халқ банки Бошқаруви ушбу орқали, Ўзбекистон Республикаси Президенти Администрациясининг “Ҳудудларнинг ижтимоий-иқтисодий салоҳиятини ривожлантиришни ташкил этиш ва назорат қилиш механизми” бўйича 2020 йил 29 сентябрдаги 02-2765-сон топшириғи ижросини таъминлаш юзасидан амалга ошириладиган биринчи галдаги вазифалар бўйича “Йўл харита” ижро учун қабул қилинганлигини ва банкнинг барча туман (шаҳар) филиалларига етказилганлигини, шунингдек, берилган топшириқлар ижроси юзасидан қатъий назорат ўрнатилганлигини маълум қиламиз.

Бошқарув Раисининг
биринчи ўринбосари Д. Нуритдинов

Нусхаси:

Ўзбекистон Республикаси Президенти Администрациясига Ўзбекистон Республикаси Марказий банки Ҳудудларни ижтимоий-иқтисодий ривожлантириш борасида тижорат банклари фаолиятини мониторинг қилиш департаментига

2020 йил 28 сентябрдаги 02-2758-сонли топшириқ ижроси юзасидан.

Республика ишчи гуруҳи томонидан ишлаб чиқилган “Оҳангарон туманини 2020-2022 йилларда комплекс ижтимоий-иқтисодий ривожлантириш чора-тадбирлари дастури” қарор лойиҳасига асосан саноат, қишлоқ хўжалиги ва хизмат кўрсатиш соҳаларини ривожлантириш бўйича умумий қиймати 8,0 трлн. сўм бўлган 279 та инвестиция лойиҳаларини амалга ошириш белгиланган.

Шундан, Халқ банки томонидан умумий қиймати 708,3 млрд. сўм бўлган 50 та лойиҳа амалга оширилиши ва ушбу лойиҳаларга 512,5 млрд. сўм миқдорида кредит маблағлари ажратиш кўзда тутилган.
Бугунги кунда, мазкур лойиҳалардан 12 тасига 43,4 млрд. сўм миқдорида кредит маблағлари ажратилди, шунингдек, қолган лойиҳаларни ҳам ўз вақтида молиялаштириш ва ишга тушириш бўйича қатъий назорат ўрнатилди.
Илова___ варақ