Zbekiston respublikasi aksiyadorlik tijorat xalq banki

Бошқарув Раиси
ўринбосари Х. Ахмедов

Нусхаси:

Ўзбекистон Республикаси Президенти Администрациясига Ўзбекистон Республикаси Ҳисоб палатасига

Маълумки, Ўзбекистон Республикаси Президентининг 2019 йил 30-31 январь кунлари Жиззах вилоятига ташрифи давомида берилган топшириқлар ва кенгайтирилган тарзда ўтказилган мажлис баёнининг 99-бандига мувофиқ Фориш туманида чорвачиликни ривожлантириш учун қулай шарт-шароитлардан келиб чиқиб Давлат солиқ қўмитаси негизида бюджетдан ташқари маблағлар ҳисобидан 2019 йил 1 декабрга қадар замонавий чорвачилик комплексини ташкил этиш вазифаси Давлат солиқ қўмитаси ва Халқ банки зиммасига юклатилган эди.
Шунга мувофиқ Давлат солиқ қўмитасига Фориш тумани ҳокимининг
2019 йил 31 июлдаги 3838-сонли қарори билан замонавий чорвачилик комплексини ташкил этиш ва чорва молларига озуқа базасини яратиш мақсадида 70 гектар ер майдони ажратилган бўлиб, замонавий чорвачилик комплексини қуриш бўйича “Евро спорт строй” МЧЖ ташаббускор этиб белгиланган ва ташаббускорга Асака банкнинг Жиззах филиали томонидан хизмат кўрсатиб келинмоқда.
Халқ банки Бошқаруви томонидан Давлат солиқ қўмитасига ушбу топшириқни ўз вақтида бажарилишини таъминлаш бўйича бир неча маротаба мурожаат қилинди.
(Бошқарувининг10.05.2019й. 09-2-01/979-сонли, 09.01.2020 й. 30-2-01/21-сонли ҳамда вилоят филиалининг 14.05.2019й. 22-04/150-сонли ва 27.04.2020й. 22-05/82-сонли хатлари)
Бироқ мурожаатларга жавобан Давлат солиқ қўмитаси ва вилоят бошқармаси томонидан ҳамкорликда ишлаш ва кредитга эҳтиёжи бўйича таклифлар билдирилмади.
Шунингдек, Давлат раҳбарининг 2018 йил 15-16 ноябрь кунлари Қорақалпоғистон Республикасига ташрифи давомида берган топшириқлари ва кенгайтирилган тарзда ўтказилган мажлис баёнининг 74-бандига мувофиқ Хўжайли туманида “Аral gaz oil avto invest” МЧЖнинг чорвачилик комплексини ташкил этиш лойиҳасини 2019 йил IV-чоракда ишга туширилишини таъминлаш топшириғи берилган эди.
Мазкур лойиҳа Ўзбекистон Республикаси Бош вазирининг ўринбосари -Инвестициялар ва ташқи савдо вазири С.Умурзақов томонидан тасдиқланган
2020 йил 18 мартдаги 24/1-1750-сонли йиғилиш баёнининг 2-иловаси 27-банди билан истиқболсиз лойиҳа сифатида дастурдан чиқарилган.
Ушбу лойиҳа бюджетдан ташқари маблағлар ҳисобидан молиялаштирилишини, шунингдек кредит маблағларига эҳтиёжи йўқлигини инобатга олиб, мазкур лойиҳани ижросини таъминлашда Халқ банкини назоратдан чиқаришда амалий ёрдам беришингизни сўраймиз.