Zbekiston respublikasi aksiyadorlik tijorat xalq banki

Бошқарув Раисининг
биринчи ўринбосари Т.Рахмонов

Ўзбекистон Республикаси Марказий банки Ҳудудларни ижтимоий-иқтисодий ривожлантириш борасида тижорат банклари фаолиятини мониторинг қилиш департаментига (2018 йил 27 июндаги №30-11/683-сонли хатингизга жавобан)

АТ Халқ банки Бошқаруви ушбу орқали, Ўзбекистон Республикаси Бош Прокуратурасининг Ўзбекистон Республикаси Президентининг Сурхондарё вилоятига ташрифлари давомида берилган топшириқлар ҳамда аҳоли турмуш даражасини ошириш ва ҳудудни ижтимоий-иқтисодий ривожлантириш бўйича белгиланган вазифалар ижросини ўрганиш натижалари ҳақида берилган ахборотда кўрсатилган тегишлигича масалалар ижроси юзасидан назоратни янада кучайтириш мақсадида, банкнинг Сурхондарё вилояти филиалига банк Бошқарувининг 2018 йил 30 июндаги 09-1-02/958-сонли хати юборилганлигини ҳамда амалга оширилган ишлар бўйича ҳар ойнинг 1-санасига маълумот тақдим этиш юзасидан қатъий назорат ўрнатилганлигини маълум қиламиз.

Бошқарув Раисининг
биринчи ўринбосари Т.Рахмонов

Ўзбекистон Республикаси Вазирлар Маҳкамасига “2018 йил 27 июндаги №24/1-1824-сонли хатга жавобан”

Ўзбекистон Республикаси Президенти Ш.М.Мирзиёевнинг 2017-2018 йилларда республика ҳудудларига ташрифлари давомида берилган топшириқлар ва кенгайтирилган тарзда ўтказилган мажлис баёнларда банк тизимига оид бир қатор вазифалар белгиланган бўлиб, бугунги кунда тижорат банклари томонидан кенг кўламли ишлар амалга оширилмоқда.
Хусусан Сурхондарё, Андижон ва Наманган вилоятлари бўйича 2018 йил 1 июль ҳолатига Халқ банки томонидан 4 та лойиҳа ишга туширилиши белгиланган бўлиб, бугунги кунда Сурхондарё вилоятининг Бойсун туманидаги “Файзи рамз” фермер хўжалигига 3,0 млрд.сўм, Андижон вилоятининг Улуғнор туманидаги “Андижон наслли эчкилар” МЧЖга 9,0 млрд.сўм ҳамда Жахон банки (МБРР)нинг кредит линияси ҳисобидан Наманган вилоятининг Учқўрғон туманидаги “Ғуломжон” фермер хўжалигига 437 410 АҚШ доллари ва Тўрақўрғон туманидаги “Ёртепа Алп Замини” фермер хўжалигига 238 410 АҚШ доллари миқдорида кредит маблағлари ажратилди ва лойиҳалар амалга оширилди.
Юқоридагилардан келиб чиқиб, Халқ банки томонидан амалга оширилиши режалаштирилган лойиҳаларнинг ижросини қисқа муддатларда сўзсиз таъминлаш юзасидан қатъий назорат ўрнатилганлигини маълум қиламиз.