Zbekiston respublikasi aksiyadorlik tijorat xalq banki

Ўзбекистон Республикаси Вазирлар Маҳкамасига

“2019 йил 17 майдаги 24/1-1750-сонли топшириқ ижроси бўйича”

Ўзбекистон Республикаси Президенти Администрациясида кенгайтирилган тарзда ўтказилган видеоселектор мажлиси 2-сонли баёнида Бухоро вилояти Жондор туманидаги “Жондор чашмаси” корхонасига наслли қорамоллар сотиш комплекси ва сутчилик кластерини ташкил этиш учун кредит маблағларини ажратиш чорасини кўриш бўйича топшириқ берилган.

Мазкур лойиҳа Ўзбекистон Республикаси Президентининг жорий йил 29-30 март кунлари Бухоро вилоятига ташрифлари давомида берилган топшириқлари ҳамда 30 март куни вилоят фаоллари иштирокида ўтказилган йиғилиш бўйича тайёрланган Баённинг 17-иловаси, 9-бандига мувофиқ тасдиқланган бўлиб, лойиҳани ишга тушириш муддати 2019 йил декабрь ойига белгиланган.
Лойиҳанинг умумий қиймати 17,5 млрд. сўмни ташкил этиб, бугунги кунда лойиҳани молиялаштириш учун банк томонидан 12,5 млрд. сўмга кредит линияси очилди ва тасдиқланган тармоқ жадвалига асосан лойиҳани ўз муддатида амалга ошириш мақсадида четдан наслли қорамол сотиб олиш учун жорий йилнинг 17 май куни ташаббускорга 2,0 млрд. сўм миқдорида кредит маблағи ажратилди.
Мазкур лойиҳа банк томонидан босқичма-босқич молиялаштирилиб борилади ва белгиланган муддатда амалга оширилиши таъминланади.
Бошқарув Раисининг
биринчи ўринбосари Т.Рахмонов

Ижрочи: Ё.Кўчқоров
Тел:[phone]

	“Хизматда фойдаланиш учун”
		Ўзбекистон Республикаси Президенти ҳузуридаги Хавфсизлик кенгашига (2019 йил 23 майдаги 4701-хдфу-сонли топшириқ ижроси юзасидан)

АТ Халқ банки Бошқаруви ушбу орқали, Ўзбекистон Республикаси Президентининг 2018 йил 13-14 декабрь кунлари Қашқадарё вилоятига ташрифи давомида берган топшириқларининг ижросини ўрганиш юзасидан Ўзбекистон Республикаси Президентига тақдим этган ахборотингизда кўрсатилган камчиликларни белгиланган муддатда зудлик билан бартараф этиш ва ижросини сўзсиз таъминлаш мақсадида, Марказий аппаратнинг Давлат дастурларини амалга ошириш департаменти бошқарма бошлиғи Сарманов Бекзод Шермахматович Қашқадарё вилоятига хизмат сафарига жўнатилганлигини ҳамда амалга оширилган ишлар якуни бўйича батафсил маълумот тақдим этилишини маълум қиламиз.