Zbekiston respublikasi aksiyadorlik tijorat xalq banki

Бошқарув Раисининг
биринчи ўринбосари Т.Рахмонов

Ўзбекистон Республикаси Қишлоқ хўжалиги вазирлигига

Мамлакатимизда мустақиллик йилларида амалга оширилган кенг кўламли ислоҳотлар халқимизнинг муносиб ҳаёт кечириши, фуқароларимизнинг бунёдкорлик салоҳиятини рўёбга чиқариш учун зарур шарт-шароитлар яратди.
Иқтисодиётда бозор ислоҳотлари босқичма-босқич амалга оширилгани кичик бизнес ва хусусий тадбиркорлик, айниқса фермерлик ҳаракатини ривожлантириш учун кенг имкониятлар ва қулай шароитлар яратилишига хизмат қилди.
Олиб борилаётган ислоҳотлар самарасини янада ошириш мақсадида, Халқ банки томонидан чорвачиликни ривожлантириш, чорва зотини яхшилаш ва наслли чорва бош сонини кўпайтириш, шунингдек чорва маҳсулдорлигини оширишга катта эътибор қаратилган бўлиб, мазкур йўналишдаги лойиҳалар хорижий кредит линиялари маблағлари ҳисобидан тизимли равишда молиялаштирилиб борилмоқда.
Бугунги кунда, Наманган вилояти Учқўрғон туманидаги “Шодлик” фермер хўжалиги томонидан Россия Федерациясининг Перм ўлкасидаги “Қодирқулов Содиқжон Олимович” фермер хўжалигидан умумий қиймати 600,0 минг АҚШ долларга тирик вазни 214286 кг бўлган гўшт йўналишидаги бўрдоқи чорва моллари сотиб олиш режалаштирилган.
Маълумки, вазирлик қишлоқ хўжалиги ва озиқ-овқат хавфсизлиги соҳасида ягона сиёсатни амалга оширувчи давлат бошқаруви органи ҳисобланиб, Ўзбекистон Республикаси Вазирлар Маҳкамасининг 2014 йил 8 сентябрдаги 252-сонли қарорига мувофиқ, наслли маҳсулот (материал) экспорти ва импортини назорат қилиш Қишлоқ хўжалиги вазирлиги томонидан белгиланган тартибда амалга оширилиши кўрсатилган.
Юқоридагиларни инобатга олиб, хорижий кредит линиялари маблағлари ҳисобидан четдан гўшт йўналишидаги бўрдоқи (наслли) буқаларни сотиб олиш ва ёки наслли ғуножинларни сотиб олишни кўпайтиришнинг республикамизда озиқ-овқат хавфсизлигини таъминлаш ва наслчилик ишларини ташкил этишдаги афзалликлари тўғрисида хулоса беришингизни сўраймиз.