Zbekiston respublikasi aksiyadorlik tijorat xalq banki

Бошқарув Раисининг биринчи ўринбосари

Д. Нуритдинов

Нусхаси:

Ўзбекистон Республикаси Президенти Администрациясига Ўзбекистон Республикаси Ҳисоб палатасига

Ўзбекистон Республикаси Президенти Ш.М.Мирзиёевнинг 2019 йил 28 феврал
ва 1 март кунлари Наманган вилоятига ташрифи давомида берилган топшириқлар ва кенгайтирилган тарзда ўтказилган 9-сонли йиғилиш баёнининг 56-бандида
2019-2020 йилларда Поп туманида “Асадбек Чоркесар” ФХнинг четдан 5000 бош наслли эчки олиб келиш ва эчки жунини қайта ишлаш кластери, “Нилуфар Бархаёт” ХКнинг
15 000 бош наслли қўй етиштириш лойиҳаларини ва Учқўрғон туманида “Ғуломжон” ФХнинг наслли қорамоллар супермаркети ва сутчилик кластери лойиҳаларини босқичма-босқич ишга туширилишини таъминлаш юзасидан топшириқ берилган.
Топшириқ ижросини таъминлаш мақсадида, “Асадбек Чоркесар” ФХ томонидан кластер ташкил этилди ва аҳолини касаначилик асосида иш билан банд этиш мақсадида Қирғизистоннинг Бишкек шаҳридаги “Тянь Шань трейд” МЧЖдан 90,0 минг АҚШ доллари кредит ҳисобига 1 000 бош наслли эчки олиб келинди, шунингдек, ўз маблағи ҳисобидан четдан 993 бош эчки олиб келинди ва ўзида мавжуд маҳаллий 893 бош эчки билан биргаликда жами 2 886 бош эчки “Ҳар бир оила-тадбиркор” дастурига асосан аҳолига тарқатиб берилди. Шунингдек, Хитойдан 140,0 минг АҚШ доллари кредит ҳисобига жунни қайта ишлаш ва тайёр маҳсулот ишлаб чиқариш дастгоҳлари олиб келиб ўрнатилди, натижада жун маҳсулотлари фермер хўжаликлари ва аҳолидан йиғиб олиниб қайта ишлаш ҳисобига тайёр маҳсулотлар ишлаб чиқариш йўлга қўйилди ҳамда аҳоли иш билан таъминланди.
"Нилуфар барҳаёт" ХКга лойиҳа учун 120,0 минг АҚШ доллари миқдорида кредит маблағи ажратилди ва Қозоғистондан 3 643 бош ҳисори зотли қўйлар олиб келинди. Бундан ташқари, маҳаллий қўйлар ва олиб келинган қўйларнинг кўпайиши ҳисобига
3 145 бош, жами бўлиб 6 788 бош майда шохли чорва моллари “Ҳар бир оила-тадбиркор” дастурига асосан аҳолига тарқатиб берилди.
“Ғуломжон” ФХ томонидан қорамоллар супермаркети ташкил этилди ва ўз маблағи ҳисобидан Қозоғистондан 183 бош наслли қорамоллар олиб келиниб “Ҳар бир оила-тадбиркор” дастурига асосан аҳолига тарқатилди. Бундан ташқари, 2 125,0 млн.сўм кредит ҳисобига Голландиядан 99 бош наслли чорва моллари олиб келиниб аҳолига тарқатиш мақсадида кўпайтирилмокда.