Zbekiston respublikasi aksiyadorlik tijorat xalq banki

Бошқарув Раиси
ўринбосари Б. Атамурадов

Акциядорлик тижорат Халқ банкининг барча ҳудудий филиаллари раҳбарларига

Маълумки, Ўзбекистон Республикаси Президентининг ҳудудларга ташрифлари якунлари бўйича тасдиқланган йиғилиш баёнлари ҳамда ҳудудларни ижтимоий-иқтисодий ривожлантириш манзилли дастурлари билан тасдиқланган лойиҳаларни ўз вақтида молиялаштириш ва ишга тушириш бўйича Халқ банки томонидан кенг кўламли ишлар амалга оширилмоқда.
Хусусан, 2019-2021 йилларда мазкур манзилли дастурлар билан тасдиқланган 1 660 та лойиҳага 1 136,5 млрд. сўм миқдорида кредит маблағлари ажратилди ва 1 410 таси тўлиқ ишга туширилди.
Шунга қарамасдан, ҳудудий филиаллар томонидан лойиҳа ташаббускорларининг молиявий ҳолати, пул оқимлари, бизнес-режа кўрсаткичларининг таҳлили ва лойиҳа самарадорлиги, тармоқ жадваллари, шунингдек гаров таъминоти жойига чиққан ҳолда пухта ўрганилмаганлиги натижасида, айрим лойиҳаларни ишга тушириш муддатларини узайтириш, истиқболсиз лойиҳаларни алмаштириш каби ҳолатлар ҳанузгача давом этиб келмоқда.
Юқоридаги камчиликларнинг қайта такрорланишини олдини олиш ва чек қўйиш, келгусида лойиҳаларнинг ўз вақтида молиялаштирилиши ҳамда ишга туширилишини таъминлаш бўйича назоратни янада кучайтириш мақсадида, давлат раҳбарининг ҳудудларга ташрифи ва ҳудудларни ижтимоий-иқтисодий ривожлантириш манзилли дастурларига тақдим этилаётган саноат, қишлоқ хўжалиги, хизмат кўрсатиш соҳаларидаги лойиҳалар бўйича ишлаб чиқилган тармоқ жадваллари ва “Йўл харита”ларини Марказий аппаратнинг Давлат ва ҳудудий дастурларни амалга ошириш департаменти билан келишгандан сўнг туман ва вилоят ҳокимликларига тақдим этиш тавсия этилсин.
Марказий аппаратнинг Давлат ва ҳудудий дастурларни амалга ошириш департаменти билан келишмаган ҳолда ижрога қабул қилинган тармоқ жадваллари ва “Йўл харита”лари бўйича жавобгарлик тўлиқ Сизнинг зиммангизда қолиши ҳамда ўз вақтида ижроси таъминланмаган лойиҳалар бўйича қатъий чоралар кўрилиши тўғрисида огоҳлантирамиз.