Zbekiston respublikasi aksiyadorlik tijorat xalq banki

АТ Халқ банкининг Сурхондарё вилояти филиали бошлиғи Т.Турсуновга

Маълумки, Ўзбекистон Республикаси Президентининг 2018 йил
19-20 январ кунлари Сурхондарё вилоятига ташрифи давомида берган топшириқлари ва Қизириқ туманида кенгайтирилган тарзда ўтказилган мажлис баёнининг (27.01.2018 йил 1358-хҳ) 81-бандига асосан, Халқ банки Сурхондарё вилояти ҳокимлиги билан биргаликда Термиз туманида 2000 бош қорамолга мўлжалланган чорвачилик комплексини ҳамда сутни қайта ишлаш лойиҳасини
2019 йил I-чорагида ишга тушириш белгиланган.
Ушбу лойиҳа “Сурхон Чорва Насл” МЧЖ томонидан амалга оширилиши режалаштирилган бўлиб, лойиҳанинг умумий қиймати 17,1 млрд.сўмни ташкил этади, шундан ўз маблағи 5,8 млрд.сўм ва банк кредити 11,3 млрд.сўмдан иборат.
Бугунги кунда мижозга чорвачилик комплекси қурилиши учун
5,0 млрд.сўм миқдорида кредит маблағи ажратилди. Бундан ташқари, Австрия давлатидан 450 бош наслли қорамол, Германия давлатидан сутни қайта ишлаш технологияси ҳамда қишлоқ хўжалиги техникаси сотиб олиш учун жами 2,0 млн. АҚШ долларлик кредит ҳужжатлари расмийлаштирилмоқда.
Аммо, вилоят ва филиал ходимларининг ўз ишига масъулиятсизлик билан ёндошаётганликлари сабабли ушбу кредит хужжатларида аниқланган камчиликларни қисқа муддатда бартараф этиш ишлари ўз ҳолига ташлаб қўйилган.
Бу эса ўз навбатида лойиҳани белгиланган муддатда ишга туширилишга тўсиқ бўлмоқда.
Юқоридагиларни инобатга олиб, кредит хужжатларида аниқланган камчиликларни зудлик билан бартараф этиш бўйича зарурий чоралар кўришингизни ҳамда ўз ишига масъулиятсизлик билан қараб келаётган вилоят ва туман филиаллари ходимларга нисбатан қаттиқ таъсирчан интизомий жазо чораларини қўришингизни, кўрилган чоралар юзасидан буйруқ нусхасини Марказий аппаратнинг Ходимлар билан ишлаш бошқармасига ҳамда Банк инвестицион фаолиятини мувофиқлаштириш ва мониторинг қилиш департаментига тақдим этишингиз сўралади.