Ўзбекистон республикаси ахборот технологиялари ва коммуникацияларини ривожлантириш вазирлиги муҳаммад ал-хоразмий номидаги

ПОЧТА АЛОҚАСИ ХИЗМАТЛАРИ РИВОЖЛАНИШИДА ДОҲА ПОЧТА 
СТРАТЕГИЯСИНИНГ АҲАМИЯТИ 
 
Х.А.Асқарова, (ТАТУ талабаси) 
 
Миллий иқтисодиётнинг рақобатбардошлиги, мамлакатнинг ички ва хорижий 
инвесторлар учун жозибадорлиги кўп жиҳатдан ахборот инфратузилмасининг ва ахборот-
коммуникация хизматларнинг ривожланиш даражасига боғлиқ.Айни вақтда почта соҳасида 
олиб борилаётган ислоҳотлар мазкур соҳани ривожланишига алоҳида эътибор 
берилаётганини кўрсатмоқда. Айниқса, соҳанинг техник ва технологик базасини 
мустаҳкамлаш, самарали инновация лойихаларини ишлаб чиқаришга жорий этиш 
натижасида хизмат курсатиш тизимини янада кенгайтириш ва унинг сифат даражасини 
кўтариш имконияти яратилмоқда.
Хорижий почта компанияларининг бой тажрибаси почта соҳасидаги энг янги 
ишланмаларга ва уларнинг амалиётда қўлланилишига, хизмат сифатини оширишда 
самарали инновация фаолиятини кенгайтиришга алохида эътибор бериш ва мазкур соҳада 
илмий тадқиқотларни чуқурлаштириш зарурлигини белгилаб бермоқда. 
Республикамиз почта алоқасининг бугунги кунги холатида почта жўнатмаларини 
қабул қилиш, ишлов бериш, пенсия ва нафақалар, даврий нашрларни етказиб беришда бир-
бири билан ўзаро узлуксиз боғланган почта алоқа объектлари ва почта йўналишларини ўз 
ичига олади. Ўзбекистон Республикаси Вазирлар Маҳкамасининг 19.07.2004 йилдаги 
“Почта алоқаси соҳаси фаолиятини такомиллаштириш тўғрисида”ги 339-сонли қарорига 
асосан “Ўзбекистон почтаси давлат-акциядорлик компанияси “Ўзбекистон почтаси” 
акциядорлик жамиятига айлантирилган бўлиб, географик принципга асосланган ҳолда 
ташкил қилинган ва “Ўзбекистон почтаси” акциядорлик жамиятининг устав жамғармаси, 
жамиятнинг мол-мулки ҳисобига шакллантирилган. “Ўзбекистон почтаси” акциядорлик 
жамияти Бутунжаҳон Почта Иттифоқига аъзо бўлган даврдан бошлаб, яъни 1994 йил 24-
февралдан буён ўз хизматларини тақдим этишни иттифоқнинг меъёрий хужжатлари 
асосида олиб бормоқда. 
Бутунжаҳон Почта Иттифоқи (БПИ) 1874-йил ташкил топган йилдан бошлаб то 
бугунги кунгача 196 та аъзо мамлакатлари учун устивор йўналишларни белгилаб берувчи 
эталон , ҳамда почта стратегияси ва сиёсатининг миллий ишланмалари учун xизмат 
қилади.2012 йилнинг октябр ойида Доҳа шаҳрида (Қатар) Бутунжаҳон Почта Иттифоқи 
(БПИ) Доҳа почта стратегияси (ДПС) ни маъқуллади. Доҳа почта стратегияси бир қатор 
мақсадлар ва дастурларни белгилаб олди ва булар почта секторининг келажакдаги 
ривожланишига йўналтирилган бўлиб, Бутунжаҳон Почта Иттифоқи (БПИ) учун янги 
стратегияларни ўзида акс эттиради. Шуни таъкидлаб ўтиш жоизки, Доҳа почта стратегияси 
(ДПС) юқоридаги фаолияти билан бир қаторда Найробия почта стратегиясини (НПС) 
муваффаққиятли амалга ошиши учун база ҳам яратади. Шундай қилиб, уч ўлчамли тармоқ 
концепсияси жисмоний, рақамли электрон ва молия соҳаларидаги xизматларда ва 

---

326 
маxсулотларда ўз аксини топиб, ўз кучида илғор бўлиб қолаверади. Доҳа почта стратегияси 
(ДПС) қуйидаги мақсад ва дастурларни ўз ичига олди: