Ўзбекистон республикаси ахборот технологиялари ва коммуникацияларини ривожлантириш вазирлиги муҳаммад ал-хоразмий номидаги тошкент ахборот

Иқтисодий мутаносиблик - Иқтисодиётнинг турли томонлари ва сохалари ўртасида миқдор ва сифат ўлчамларнинг мос келишлик даражаси.
Иқтисодий манфаатлар - иқтисодий категория бўлиб, улар ишлаб чиқаришнинг алоҳида қатнашчилари (индивидлар, уларнинг гуруҳлари, синфий бирлашмалари) ўртасидаги ишлаб чиқариш муносабатларида ифодаланади.
Моддий рағбатлантириш – инсонни унинг меҳнат натижаларидан келиб чиқиб, иш ҳақи, мукофот шаклларида тақдирлашдир.
Маънавий рағбатлантириш – инсонни унинг фаолият натижалари асосида орден, медал, фахрий ёрлиқ, ҳурмат тахтасига киритиш каби шиаклларда тақдирлашдир.
Якка шаклдаги манфаат- бир кишининг эҳтиёжларини ифода этувчи манфаатлар мажмуидир
Жамоа манфаати – кишилар гуруҳи, корхона ва фирмаларга тегишли манфаатлар мажмуидир.
Ижтимоий манфаат – бу барча жамият аъзоларининг биргаликда рўёбга чиқадиган манфаатларидир.
Меҳнат салоҳияти - жамиятдаги меҳнатга лаёқатли, билим ва малакага, ишлаб чиқара олиш қобилиятига эга бўлган кишилардир.
Илм-маърифат салоҳияти- илм-маърифатга хизмат қилувчи моддий ва инсоний ресурслар фан эришган даражадир.
Техника- технология салоҳияти- жамиятдаги машина –механизмлар миқдори, уларнинг таркиби, техникавий даражаси ва технологик тизимлар мажмуини ўз ичига олади.
Табиий салоҳият- табиий ресурслар миқдори ва сифати ишлаб чиқаришнинг об-ҳаво шароити.
Фан-техника тараққиёти - фан ва техниканинг муттасил равишда ва ўзаро боғлиқ ҳолда ривожланишидир.
Иқтисодиётни давлат томонидан тартибга солиш (ИДТТС) - қонунчилик, ижро ва назорат қилиш характеридаги тадбирлар тизимини ишлаб чиқиш ва амалга ошириш.
ИДТТС мақсади - Иқтисодий ва ижтимоий барқарорликни таъминлаш, Иқтисодий тизимни мустаҳкамлаш ва уни ўзгариб турувчи шароитга мослаштиришга қаратилади.
Давлатнинг Иқтисодий вазифалари - Иқтисодий тизимнинг амал қилишига шарт-шароит яратиш ва Иқтисодиётни тартибга солиш ҳамда Иқтисодий ўсишни таъминлашга қаратилган чора-тадбирлардан иборат бўлади.