Ўзбекистон Республикаси Адлия вазирлиги Япония Халқаро Ҳамкорлик Агентлиги

БОБ. ТАДБИРОКЛИК СУБЪЕКТИНИНГ ШИКОЯТ ҚИЛИШ ҲУҚУҚИ. РУХСАТ БЕРИШ ТАРТИБ-ТАОМИЛЛАРИ ТЎҒРИСИДАГИ ҚОНУН ҲУЖЖАТЛАРИНИ

БУЗГАНЛИК УЧУН ЖАВОБГАРЛИК 119

1. 
   Тадбиркорлик субъектининг шикоят қилиш ҳуқуқи 119
   
2. 
   Рухсат бериш тартиб-таомиллари тўғрисидаги қонун
   

ҳужжатларини бузганлик учун жавобгарлик 121
ИЛОВА 123

1. 
   Илова. Ўзбекистон Республикасининг “Тадбиркорлик фаолияти
   

соҳасидаги рухсат бериш тартиб-таомиллари тўғрисида”ги Қонуни 123

2. 
   Илова. Ўзбекистон Республикаси Вазирлар Маҳкамасининг “Тадбиркорлик фаолияти соҳасидаги рухсат бериш тартиб-таомиллари тўғрисида”ги Ўзбекистон Республикаси Қонунини амалга ошириш
   

чора-тадбирлари ҳақида”ги қарори 137
ФОЙДАЛАНИЛГАН НОРМАТИВ-ҲУҚУҚИЙ ҲУЖЖАТЛАР РЎЙХАТИ 140

КИРИШ

Ўзбекистон Республикаси Президенти томонидан тақдим қилинган Мамлака- тимизда демократик ислоҳотларни янада чуқурлаштириш ва фуқаролик жами- ятини ривожлантириш концепциясини амалга ошириш мақсадида 2012 йил 20 декабрда “Тадбиркорлик фаолияти соҳасидаги рухсат бериш тартиб-таомиллари тўғрисида”ги Ўзбекистон Республикаси Қонуни қабул қилинди.
Ушбу Қонун тадбиркорлик фаолияти соҳасидаги рухсат бериш тартиб-таомил- ларига доир муносабатларни тартибга соладиган асосий ҳужжат ҳисобланади. Қонун билан рухсат бериш тартиб-таомилининг асосий принциплари мустаҳкамланган, улар орасида рухсат этиш хусусиятига эга ҳужжатларнинг “бир дарча” орқали берилиши ва тадбиркорлик субъектлари ҳуқуқларининг устуворлиги принципларини ажратиб кўрсатиш керак. Ундан ташқари, Қонун рухсат этиш хусусиятига эга ҳужжатнинг амал қилишини тўхтатиб туриш ва тугатиш, уларни қайта расмийлаштириш ва бекор қилиш, рухсат этиш хусусиятига эга ҳужжатни бериш тўғрисидаги тадбиркорлик субъектининг
аризасини кўриб чиқиш муддатлари каби тартиб-таомилларни белгилайди.
Қонуннинг муҳим нормаларидан бири рухсат бериш тартиб-таомилларининг қонунда назарда тутилмаган янги турларини жорий этиш тақиқланишини белгиловчи норма ҳисобланади.
Шунингдек, Вазирлар Маҳкамасининг 2013 йил 15 августдаги 225-сон қарори билан Тадбиркорлик фаолияти соҳасидаги рухсат этиш хусусиятига эга ҳужжатлар рўйхатининг тасдиқланишини алоҳида таъкидлаш лозим. Ушбу Рўйхатда тадбиркорлик субъектларига маълум бир фаолиятни амалга ошириш ва (ёки) содир этиш учун зарур бўлган 220 та рухсат этиш хусусиятига эга ҳужжат (тартиб-таомил) назарда тутилган.
Қонунга мувофиқ барча рухсат бериш тартиб-таомилларидан ўтиш тартиби тўғрисидаги низомлари Вазирлар Маҳкамаси томонидан тасдиқланади.
Ушбу қўлланма тадбиркорлик субъектининг ҳуқуқий саводхонлигини оширишга ва уларга янада қулай шароит яратишга қаратилган.
Қўлланмада рухсат бериш тартиб-таомилининг асосий принциплари, рухсат бериш тартиб таомили ва рухсат этиш хусусиятига эга ҳужжатлар тушунчалари, Қонуннинг амал қилиши тадбиқ этилмайдиган тадбиркорлик фаолияти соҳа- сидаги рухсат бериш тартиб-таомилларининг турлари очиб берилади.
Қўлланма шунингдек, рухсат этиш хусусиятига эга ҳужжатни олиш учун ариза ва бошқа зарур ҳужжатларни тақдим қилиш тартиби, тадбиркорлик субъектининг рухсат этиш хусусиятига эга ҳужжатларни бериш тўғрисидаги аризасини кўриб чиқиш, уни беришни рад этиш муддати ва тартиби, рухсат этиш хусусиятига эга ҳужжатнинг дубликатини бериш ва уни қайта расмий- латириш, рухсат этиш хусусиятига эга ҳужжатнинг амал қилишини тўхтатиб туриш, тугатиш ва уларни бекор қилиш тартиби назарда тутилган.
Ушбу қўлланмада, тушунарли бўлиши учун, турли хил схемалардан фой- даланилган.

1.