Ўзбекистон Республикаси Адлия вазирлиги Япония Халқаро Ҳамкорлик Агентлиги

Рухсат этиш хусусиятига эга ҳужжатни бериш тўғрисидаги аризани кўриб чиқиш учун йиғим миқдори

Қонуннинг 17-моддаси келажакдаги рухсат бериш тартиб-таомиллари- дан ўтиш тартиби тўғрисидаги низомларни ишлаб чиқувчиларига ушбу низомларда тадбиркорлик субъектлари тўлаши лозим бўлган йиғимларнинг миқдори аниқ белгиланишини лозимлигига йўналтиради. Ваколатли орган томонидан тадбиркорлик субъектининг рухсат этиш хусусиятига эга ҳуж- жатни бериш тўғрисидаги аризасини кўриб чиққанлик учун йиғим миқдорини белгилашда Қонуннинг 17-моддасидаги йиғим миқдори ваколатли органнинг рухсат этиш хусусиятига эга ҳужжатни бериш тўғрисидаги аризани кўриб чиқиш учун қилган харажатлари доирасида белгиланади деган нормасига асосланади.
Бошқа сўзлар билан айтганда, йиғим ундириш орқали ваколатли орган улар томонидан рухсат этиш хусусиятига эга ҳужжатни бериш тўғрисидаги аризани кўриб чиқиш натижасида амалда кетган фактик моддий харажат- лари қопланади. Тадбиркорлик субъектининг рухсат этиш хусусиятига эга ҳужжатни бериш тўғрисидаги аризаси ваколатли орган томонидан кўриб чиқилганлиги учун рухсат бериш тартиб-таомилларидан ўтиш тартиби тўғрисидаги низомларда белгиланадиган йиғим миқдори тадбиркорлик субъектининг рухсат этиш хусусиятига эга ҳужжатни бериш тўғрисидаги аризаси кўриб чиқишдаги вужудга келадиган ҳаражатлар ҳисоб-китоби билан тасдиқланиши лозим.
Масалан, Вазирлар Маҳкамасининг 2004 йил 6 майдаги 213-сон қарори билан тасдиқланган Саноат мақсадидаги портловчи материалларни Ўзбе- кистон Республикасига олиб кириш тартиби тўғрисидаги низомнинг 11-бан- дига мувофиқ портловчи материалларни Ўзбекистон Республикасига олиб киришга рухсатнома (портловчи материалларни Ўзбекистон Республикасига олиб киришга рухсатнома Вазирлар Маҳкамасининг 2013 йил 15 августдаги 225-сон қарори билан тасдиқланган Тадбиркорлик фаолияти соҳасидаги рухсат этиш хусусиятига эга ҳужжатлар рўйхатининг 188-бандида назарда тутилган) олиш учун ариза берувчи Ўзбекистон Республикаси Ички ишлар вазирлигига ариза кўриб чиқилганлиги учун ариза берувчи томонидан йиғим тўланганлигини тасдиқловчи ҳужжатни тақдим этади. Низомнинг 22-бандига мувофиқ портловчи материалларни Ўзбекистон Республикасига олиб киришга рухсатнома бериш тўғрисидаги ариза кўриб чиқилганлиги учун Ўзбекистон Республикаси қонун ҳужжатларида белгиланган энг кам ойлик иш ҳақининг икки баравари миқдорида йиғим ундирилади.
Ўзбекистон Республикаси Президентининг 2007 йил 7 июндаги ПҚ-649-сон қарори билан тасдиқланган Ер қаъри участкаларидан фойдаланиш ҳуқуқини бериш тартиби ва шартлари тўғрисидаги Низомда ҳам шундай йиғим назарда тутилган. Ушбу Низомнинг 78-бандига мувофиқ ер қаъри участкаларидан фойдаланиш ҳуқуқи учун лицензия бериш юзасидан буюртманома кўриб чиқилганлиги учун қонун ҳужжатларида белгиланган энг кам ойлик иш ҳақининг икки баравари миқдорида йиғим ундирилади.

3.