Ўзбекистон Республикаси Адлия вазирлиги Япония Халқаро Ҳамкорлик Агентлиги

БОБ. РУХСАТ ЭТИШ ХУСУСИЯТИГА ЭГА ҲУЖЖАТНИНГ АМАЛ ҚИЛИШИ

1. 
   Рухсат этиш хусусиятига эга ҳужжатнинг амал қилиш муддати, қоида тариқасида, чекланмаслиги
   

Қонуннинг 15-моддасида рухсат этиш хусусиятига эга ҳужжатнинг амал қилиш муддати, қоида тариқасида, чекланмайди. Бу билан боғлиқ ҳолда шарҳланаётган модданинг биринчи қисми қоида тариқасида рухсат этиш хусусиятига эга ҳужжатнинг амал қилиш муддати чексиз ҳолда берилади. Мисол тариқасида, Вазирлар Маҳкамасининг 2013 йил 15 августдаги 225-сон қарори билан тасдиқланган Тадбиркорлик фаолияти соҳасидаги рухсат этиш хусусиятига эга ҳужжатлар рўйхатининг 63-бандида назарда тутилган объектни қайта ихтисослаштириш ва реконструкция қилишга рухсатнома муддати чекланмаган рухсат этиш хусусиятига эга ҳужжат тақдим қилинади. Бугунги кунда ушбу ҳужжатни бериш тартиби Вазирлар Маҳкамасининг 2003 йил 20 августдаги 357-сон қарори билан тасдиқланган Тадбиркорлик субъектларини давлат рўйхатидан ўтказиш, ҳисобга қўйиш ва рухсат берувчи ҳужжатларни расмийлаштириш тартиби тўғрисидаги низом билан тартибга солинади.

Умуман шуни таъкидлаш жоизки, рухсат этиш хусусиятига эга ҳужжатнинг амал қилиш муддати чексиз берилишини қоида тариқасида ўрнатилиши, шу билан асосланадики Тадбиркорлик фаолияти соҳасидаги рухсат этиш хусу- сиятига эга ҳужжатлар рўйхатида назарда тутилган кўпчилик рухсат этиш хусусиятига эга ҳужжатлар муайян ҳаракатни бажаришга қоида тариқасида бир марталикка хусусиятга эга ҳолда берилади. Мисол тариқасида, жумладан қуйидагиларни келтириш мумкин:
истеъмолда бўлган машиналар, ускуналар ва механизмларни экспорт қилишга рухсат этиш тўғрисидаги қарор (Рўйхатнинг 40-бандида назарда тутилган);
саноат учун аҳамиятини йўқотган ёки кейинчалик ўтказилган геология-қи- дирув ишларида ёхуд конни ишга солишда тасдиқланмаган фойдали қазилма захираларини ер ости бойликларидан фойдаланувчининг ҳисобидан чиқариш тўғрисидаги қарор (Рўйхатнинг 102-бандида назарда тутилган) ва бошқалар.

2.