Ўзбекистон Республикаси Адлия вазирлиги Япония Халқаро Ҳамкорлик Агентлиги

Тадбиркорлик субъектидан Қонуннинг 14-моддасида ва рухсат бериш тартиб-таомилларидан ўтиш тартиби тўғрисидаги низомларда назарда тутилмаган ҳужжатларни тақдим этишни талаб қилишга йўл қўйилмаслиги

Қонуннинг 14-моддасида тадбиркорлик субъекти тегишли рухсат этиш хусу- сиятига эга ҳужжатни олиш учун ваколатли органга тақдим қилиши керак бўлган ҳужжатларнинг тўлиқ рўйхати белгиланмаган. Қонуннинг 14-моддасига мувофиқ рухсат бериш тартиб-таомилларидан ўтиш тартиби тўғрисидаги низомларда ушбу ҳужжатларнинг тугал рўйхати назарда тутилади.

Шунинг учун, тадбиркорлик субъектидан Қонуннинг 14-моддасида ва рухсат бериш тартиб-таомилларидан ўтиш тартиби тўғрисидаги низомларда назарда тутилмаган ҳужжатларни тақдим этишни талаб қилишга йўл қўйил- майди.
Ушбу норманинг ўрнатилиши тадбиркорлик субъектларининг ҳуқуқлари ва қонуний манфаатларини тўғридан-тўғри ҳимоя қилишга қаратилган. Ушбу тақиқнинг мавжудлиги учун тадбиркорлик субъектларидан қўшимча ҳужжатларни талаб қилишда давлат органларининг асоссиз талабларидан тадбиркорлик субъектлари ҳимоя қилинади.
Рухсат бериш тартиб-таомилларидан ўтиш тартиби тўғрисидаги низомларда ушбу ҳужжатларнинг тугал рўйхати назарда тутилади. Шунинг учун, бошқа қўшимча ҳужжатларни тақдим қилиш зарурияти мавжуд эмас.
Агарда ҳар қандай ваколатли органи рухсат этиш хусусиятига эга ҳужжатни бериш тўғрисидаги ариза билан мурожаат қилган тадбиркорлик субъектидан рухсат бериш тартиб-таомилларидан ўтиш тартиби тўғрисидаги низомларида назарда тутилмаган бошқа ҳужжатлар талаб қилса, ваколатли органнинг ушбу талаби Қонуннинг 14-моддасига кўра ғайриқонуний ҳисобланади. Қонуннинг 20-моддасига мувофиқ рухсат этиш хусусиятига эга ҳужжатни беришни рад этиш учун асослардан бири рухсат этиш хусусиятига эга ҳужжат берилиши учун зарур бўлган ҳужжатларнинг тадбиркорлик субъекти томонидан тўлиқ
бўлмаган ҳажмда тақдим этиши ҳисобланади. Демак, агарда ваколатли орган тадбиркорлик субъектидан рухсат этиш хусусиятига эга ҳужжатни унга бериш учун рухсат бериш тартиб-таомилларидан ўтиш тартиби тўғрисидаги низом- ларда назарда тутилмаган бошқа ҳужжатларни талаб қилса, тадбиркорлик субъектлари томонидан ушбу ҳужжатни тақдим қилмаслик рухсат этиш хусусиятига эга ҳужжатни беришни рад этиш учун асос ҳисобланмайди.

3.