Ўзбекистон республикаси адлия вазирлиги

Mehnatga oid huquqiy munosabatlardan kelib chiqadigan nizolarning sudga taalluqliligi. Mehnat nizolarining taalluqliligi, ya’ni ularning qayerda ko‘rib chiqilishi lozimligi Mehnat kodeksining 269 va 276-moddalari hamda FPKning 26-moddasi bilan tartibga solinadi. Yakka tartibdagi mehnat nizolarida nizoning xususiyati va uni keltirib chiqaruvchi huquqiy munosabat hamda nizolashuvchi shaxslarning tarkibi, ayrim hollarda esa nizoning predmeti taalluqlilikni belgilovchi asosiy mezon sifatida e’tirof etiladi.
Mehnatga oid huquqiy munosabatlar bilan bog‘liq bo‘lgan, ammo boshqa huquqiy munosabatlardan kelib chiqadigan mehnat ishlarining taalluqligini belgilash shular jumlasidandir. Masalan, ishga joylashtirish, ishga qabul qilishni rad etish bilan bog‘liq mehnat nizolari mehnat nizolari komissiyasida ko‘rish uchun taalluqli bo‘lmaydi. Shuningdek, mazkur komissiya nafaqa to‘lash bilan bog‘liq mehnat nizolarini ham ko‘rib, hal qilish vakolatiga ega emas. Shuning uchun ham mehnat nizolarining yuqoridagi xususiyatlariga alohida e’tibor berish talab etiladi, aks holda mehnat ishlarining taalluqliligi noto‘g‘ri belgilanishi hamda ish ko‘rishga vakolatli bo‘lmagan organ tomonidan chiqarilgan qaror bekor qilinishi mumkin.