Ўзбекистон республикаси Адлия вазирлиги тошкент давлат юридик Университети

_{ўзбекистон республикаси Адлия вазирлиги}
тошкент давлат юридик Университети

“ТАСДИҚЛАЙМАН” Адлия вазири ўринбосари – ректор __________________ 2018 йил “___” __________

ЮРИСТЛАР УЧУН ХОРИЖИЙ ТИЛ (1 курс)

МОДУЛИ

ЎҚУВ ДАСТУРИ

Билим соҳаси:	200000	–	Ижтимоий соҳа, бизнес ва ҳуқуқ
Таълим соҳаси:	240000	–	Ҳуқуқ
Таълим йўналиши:	5240100	–	Юриспруденция (фаолият турлари бўйича)

Катта ўқитувчи Шаджалилова Нодира Бахрамовна	катта ўқитувчи Шаджалилова Нодира Бахрамовна
электрон почта манзили: [e-mail]	электрон почта: [e-mail]
ички телефон: 1086	ички телефон: 1086

Тошкент – 2018 й.

Мазкур модулнинг ўқув дастури “Тил ўргатиш” кафедраси томонидан ишлаб чиқилган ва университет Кенгашининг 2018 йил “___”_____________даги ___-сон қарори билан тасдиқланган.


I. Модулнинг мақсад ва вазифалари


Модулнинг мақсади – чет тилда мулоқот қилиш ва юридик соҳада тадқиқотчилик фаолияти билан шуғулланишда талабаларда коммуникатив, лингвистик ва социолингвистик компетенцияни шакллантириш.
Модулнинг вазифалари:
аудио, ёзув ва ёзув материаллари асосида фонетика, лексика ва грамматикага оид лингвистик компетенцияни ўзлаштириш;
аутентик материаллар орқали ўзининг ва тили ўрганилаётган мамлакатлар ҳақидаги маълумотларни қиёсий таҳлил қилиш орқали социолингвистик компетенция кўникмаларини ўзлаштириш;
маълум хуқуқий вазиятларда академик ёзув ва оғзаки нутқ малакаларини шакллантириш, тил воситаларини аниқ ва мукаммал қўллай билиш;
талабаларда турли хилдаги академик ёзма матнларни ифодали ёзишнинг асосий кўникма ва малакаларини шакллантириш;
олган маълумотни таҳлил қилиш, аргументлаш ва чет тилда ўз нуқтаи назарига эга бўлиш орқали талабаларда мантиқий тафаккур кўникмаларини ҳосил қилиш;
талабаларнинг мустақил таълим олиши орқали ўз устида ишлашини қўллаб-қувватлаш.


II. Таълимни ташкил этиш услублари

Амалий машғулотлар интерактив шаклда 6 семестр давомида олиб борилади ва курсни ўзлаштиришга қўйилган талаблардан келиб чиқиб, барча кўникмаларни ривожлантиришга йўналтирилади. Шунингдек, чет тилда талабаларнинг танқидий ва мантиқий фикрлаш малакаси ривожлантирилади. Амалий дарслар “кейс стади”, ролли ўйинлар ва бошқа шаклларда гуруҳларга бўлиб олиб борилади.