Zbekiston respublikasi adliya vazirligi toshkent davlat yuridik universiteti

Huquq normalarini qo‘llash. Huquq normalarini qo‘llash vakolatli davlat organi yoki mansabdor shaxslar tomonidan muayyan huquqiy vaziyatlar uchun individual aniq ko‘rsatma (qaror, buyruq, farmoyish) chiqarish orqali huquq normalarini amalga oshirishga yo‘naltirilgan faoliyatdir. Masalan, muayyan shaxsni ishga qabul qilish to‘g‘risida buyruq, sudning hal qiluv qarori, hukmi.
14.3. HUQUQ NORMASINI QO‘LLASH – HUQUQNI AMALGA OSHIRISHNING MUHIM ShAKLI SIFATIDA


H
Huquqni qo‘llash – huquq normalari talabini amalga oshirishning asosiy shakllaridan biridir. Huquqni qo‘llash faoliyati huquq normasini to‘la-to‘kis tatbiq etish uchun vakolatli organ yoki mansabdor shaxsning aralashuvi talab etilgan hollarda zaruriyatga aylanadi. Huquqni qo‘llash faoliyati hokimiyat xarakteriga ega. Unda qaror (ya'ni huquqni qo‘llash hujjati) tegishli organning irodasi mahsuli sifatida namoyon bo‘ladi.
uquqni qo‘llash belgilari:

1. 
   davlat hokimiyati funksiyasini qo‘llash vakolatiga ega bo‘lgan organlar yoki mansabdor shaxslar tomonidan amalga oshiriladi;
   
2. 
   individual xarakterga ega;
   
3. 
   muayyan huquqiy oqibatlarni – subyektiv huquq, majburiyatlar, javobgarlikni o‘rnatishga yo‘naltirilgan bo‘ladi;
   
4. 
   maxsus belgilangan protsessual shakllarda amalga oshiriladi;
   
5. 
   individual xarakterga ega bo‘lgan yuridik qaror chiqarish bilan yakunlanadi.