Zbekiston respublikasi adliya vazirligi toshkent davlat yuridik universiteti

9 .2. HUQUQ NORMASINING TUZILISHI:
GIPOTEZA, DISPOZITSIYA VA SANKSIYA
Huquq normasi kichik tizimlardan, ya'ni o‘zaro bog‘liq elementlardan iborat bo‘ladi. Ularning bo‘linishi yuzasidan turli xil qarashlar mavjud bo‘lishiga qaramasdan, barcha huquqshunos olimlar tomonidan huquq norma elementlari 3 ta (gipoteza, dispozitsiya va sanksiya) ekanligi yakdil qabul qilinadi. Huquq normasining tarkibiy elementlari o‘rtasida o‘zaro yuridik-mantiqiy bog‘lanish, yuridik-texnika qoidalariga asoslangan holda ifodalanish, mantiqiy izchillik hamda tizimlilik mavjud. Qolaversa, u huquqiy jihatdan umumiy mazmun asosida bir butunlikni, yaxlitlikni hosil qiladi. Biroq ular ayrim huquq sohalarida huquq normasining elementlari sifatida to‘liq holatda, birgalikda uchramaydi (Konstitutsiyaning ta'sis etuvchi normalarida dispozitsiya shaklida). Bunday holatlarda normativ-huquqiy hujjatning tegishli moddalari mohiyatini anglab yetish huquqning ichki tuzilishi bilan bog‘liq nazariy qoidalar asosida ijobiy hal etilishi mumkin.
Huquq normalarining gipoteza, dispozitsiya va sanksiyaga bo‘linishi mantiqiy norma deb ta'riflanadi. Huquq normasi nazariy fikrlash vositasida shakllantiriladi va o‘zining timsolida ushbu formulani ifodalaydi: “Agar… bo‘lsa, unda…, aks holda esa… bo‘ladi”¹.
H
Gipoteza huquq normasining bir qismi bo‘lib, unda dipozitsiyada ko‘rsatilgan qoidaning kuchga kirishi uchun zarur bo‘lgan aniq hayotiy holat (voqea, harakat, hodisalar) o‘z ifodasini topadi” .
uquq normasining dastlabki qismi bo‘lgan gipoteza “faraz yordamida xatti-harakatning mavhum varianti konkret “hayotiy” hodisaga, ma'lum bir shaxsga, vaqtga, joyga “bog‘lanadi”. Farazda mustahkamlangan har bir vaziyat (holat) xulq-atvor qoidasiga “hayot nafasini kiritadi”, uni alohida hodisa darajasiga ko‘taradi”². Shuningdek, “gipotezada huquq normasida belgilangan qoida qay sharoitda va qay holatda hamda kim tomonidan amalga oshirilishi ko‘rsatiladi.
Shuningdek, gipoteza huquq normasining harakatini, amal qilish shartini ko‘rsatuvchi (vaqt, joy, subyekt va boshqalar) yuridik faktlarni ifoda etuvchi tarkibiy qism sifatida ham e'tirof etiladi.
Ta'kidlash lozimki, gipoteza matni “agar”, “agarda”, “u holatda” kabi so‘zlari yoki shunga yaqin so‘zlar bilan boshlanishi ham mumkin. O‘z navbatida, gipoteza ham bir necha turlarga bo‘linadi.
Huquq normalarining amal qilishi bilan bog‘liq bo‘lgan bitta shart-sharoit aks etgan gipoteza oddiy gipoteza hisoblanadi. Masalan, Prezident O‘zbekiston Respublikasi Oliy Majlisi yig‘ilishida qasamyod qabul qilgan paytdan boshlab o‘z lavozimiga kirishgan hisoblanadi (O‘zbekiston Respublikasining Konstitutsiyasi, 92-modda).