Zbekiston respublikasi adliya vazirligi toshkent davlat yuridik universiteti

7.8. HUQUQNING MOHIYATI


Huquqning mohiyati deganda uning mazmuni va maqsadi tushuniladi. Huquqning mazmuni va mohiyati uning asosiy va barqaror xususiyatlarini namoyon etadi. Shu bilan birga, huquqning mohiyatini belgilashda quyidagi ikkita jihat, ya'ni har qanday huquq, eng avvalo, ijtimoiy munosabatlarni tartibga soluvchi vosita sifatidagi vazifasini bajarishi va mazkur vosita kimning manfaatlariga xizmat qilishi alohida ahamiyat kasb etadi.
Huquqning mohiyati davlatning ijtimoiy-iqtisodiy tuzumi, siyosati, axloq, madaniyat va boshqa hodisalar bilan o‘zaro bog‘liq bo‘ladi. O‘z mohiyatiga ko‘ra huquq umumijtimoiy xarakterga ega. Bu demokratik davlatlarning mohiyatida quyidagicha namoyon bo‘ladi:

• 
  o‘zaro kelishilgan umumijtimoiy irodani ifoda etadi;
  
• 
  aholining barcha qatlamlari manfaatlariga xizmat qiladi;
  
• 
  ijtimoiy aloqalarning tashkiliyligi va rivojlanib borishini ta'minlaydi;
  
• 
  huquqiy munosabatlar subyektlarining erkinligi va javobgarligining o‘lchovi hisoblanadi;
  
• 
  turli-tuman ehtiyoj va manfaatlarni qondirish vositasi sifatida maydonga chiqadi.