Zbekiston respublikasi adliya vazirligi toshkent davlat yuridik universiteti

Huquq va axloq normalari bir-biridan quyidagi jihatlar bo‘yicha farqlanadi:
1. Huquq va axloq bir-biridan, eng avvalo, o‘rnatilishi, shakl­lanish usullari va manbalari bo‘yicha farq qiladi. Huquq nor­malari davlat tomonidan yaratiladi yoki tasdiqlanadi. O‘z navbatida, huquq normalari davlat tomonidan bekor qilinadi, to‘ldiriladi va o‘zgartiriladi. Axloq normalari esa boshqacha tarzda tarkib topadi, ya'ni ular butun jamiyat tomonidan yaratiladi. Bu normalar doimiy ravishda kishilar amaliy faoliyati, ularning o‘zaro aloqalari jarayonida yuzaga keladi va rivojlanib boradi.
2. Huquq va axloq normalari ta'minlash usullari bo‘yicha bir-biridan farq qiladi. Huquq normalari davlat tomonidan yaratilib, joriy etilar ekan, o‘z navbatida, davlat tomonidan ta'minlanadi, muhofaza etiladi va himoya qilinadi. Shu ma'noda huquq normalarining mazmuni umummajburiy mohiyatga ega. Jamoatchilik fikri, kuchiga tayanuvchi axloq, majburiy tahdi­ddan farqli o‘laroq, butunlay boshqa tarzda amal qiladi. Bunda davlatning aralashishi, yuridik jazolar qo‘llashi taqozo etilmaydi. Chunki axloq qoidalariga amal qilmagan shaxslarga nisbatan qanday ta'sir ko‘rsatishni jamiyatning o‘zi hal qiladi. Bunday ta'sir chorasi ba'zan huquqiy jazodan ham qattiqroq va ta'sirliroq bo‘lishi mumkin.