Ўзбекистон республикаси адлия вазирлиги тошкент давлат юридик институти

4. Фуқароларга фермер хўжалиги юритиш учун ерларни ижарага 
бериш. 
Фермер хўжалиги ижарага берилган ер участкаларидан фойдаланган 
ҳолда қишлоқ хўжалиги товар ишлаб чиқариши билан шуғулланувчи, мустақил 
хўжалик юритувчи субъектдир.
Ўзбекистон Республикасининг ―Фермер хўжалиги тўғрисида‖ги 
қонунининг 10-моддаси ва Ўзбекистон Республикаси Ер кодекси 53-моддаси 
фермер хўжалиги юритиш учун ер участкаларини бериш тартибини 
белгилайди. Бундан ташқари Ўзбекистон Республикаси Вазирлар Маҳкамаси 
томонидан ―Ер участкаларини фермер хўжаликларига узоқ муддатли ижарага 
бериш тартиби тўғрисида‖ги Низом (2003 йил 30 октябрдаги №7 сонли 
қарорига илова) тасдиқланган.
Фермер хўжаликлари юритиш учун ер участкаси танлов асосида эллик 
йилгача бўлган, бироқ ўттиз йилдан кам бўлмаган муддатга ижарага берилади. 
Фермер хўжаликлари томонидан ер участкалари ижарага олинишида 
мазкур фермер хўжалиги ташкил этилаѐтган ҳудудда яшовчи шахслар устувор 
ҳуқуқдан фойдаланадилар. 
Юридик ва жисмоний шахсларга берилмаган қишлоқ хўжалиги 
мақсадидаги ерлар ва (ѐки) захирадаги ерлар, шундай ер участкаларини 
ажратиш тўғрисидаги, шунингдек ушбу ерларни фермер хўжаликларига бериш 
бўйича танлов ўтказиш тўғрисидаги туман ҳокими қарори асосида берилади. 
Қайта ташкил этилаѐтган қишлоқ хўжалиги кооперативлари (ширкат 
хўжаликлари)нинг ҳамда бошқа қишлоқ хўжалиги корхоналари ва 
ташкилотларининг ер участкалари махсус тузилган комиссия томонидан 
ўтказилган танлов якунлари асосида туман ҳокимининг қарори билан берилади. 
Қишлоқ хўжалиги кооперативларининг (ширкат хўжаликларининг) ҳамда 
бошқа қишлоқ хўжалиги корхоналари, муассасалари ва ташкилотларининг ер 
участкалари мазкур кооперативнинг (ширкат хўжалигининг) ѐки корхона, 
муассаса, ташкилотнинг аъзоларига (ходимларига) фермер хўжалиги юритиш 
учун қишлоқ хўжалиги кооперативининг (ширкат хўжалигининг) умумий 
йиғилиши томонидан, бошқа қишлоқ хўжалиги корхонаси, муассасаси ва 
ташкилотининг ваколатли органи томонидан ўтказилган танлов якунларига 
кўра туман ҳокимининг қарорига асосан берилиши мумкин. 
Туман ҳокимининг фермер хўжалиги юритиш учун ер участкаси бериш 
тўғрисидаги қарори вилоят ҳокими бошчилик қиладиган ер участкалари бериш 
(реализация қилиш) масалаларини кўриб чиқувчи вилоят комиссияси 
томонидан тасдиқланганидан кейин кучга киради.
Ҳокимнинг танлов ўтказиш тўғрисидаги қарори маҳаллий оммавий 
ахборот воситаларида эълон қилиниши, фуқароларнинг ўзини ўзи бошқариш 
органлари, қишлоқ хўжалиги корхоналари ва ташкилотлари бошқаруви 
(маъмурияти) биноларида осиб қўйилиши керак. Эълонда қуйидагилар 
кўрсатилиши лозим: ер участкасининг ўлчами, жойлашган жойи, сифати ва 

---

51 
бошқа тавсифлари, ташкил этилаѐтган фермер хўжалигининг мўлжалланаѐтган 
ихтисослашуви, танловнинг ўтказилиш вақти ва жойи. Танлов уни ўтказиш 
тўғрисидаги қарорлар қабул қилинган вақтдан бошлаб бир ой мобайнида 
ўтказилиши керак. 
Ер участкалари бериш тўғрисидаги ариза ташкил этилаѐтган хўжаликнинг 
бизнес-режаси ѐки фаолият дастури илова қилинган ҳолда танлов эълон 
қилинган кундан бошлаб бир ой мобайнида туман ҳокимига берилади. Аризада 
ариза берувчининг фамилияси, исми ва отасининг исми, унинг турар жойи, 
сўралаѐтган ер участкаси жойлашган жой, унинг майдони, қишлоқ хўжалиги 
кооперативи (ширкат хўжалиги)нинг номи, мўлжалланаѐтган ихтисослашув, 
чорвачилик йўналишидаги фермер хўжалиги ташкил этишда - боқилиши 
мўлжалланаѐтган молларнинг турлари бўйича бош сони, ер участкасини 
ижарага олиш муддати кўрсатилади. Фуқароларнинг аризаси махсус дафтарда 
рўйхатдан ўтказилади. 
Туман ҳокими аризани ер участкалари бериш (сотиш) масалаларини 
кўриб чиқиш бўйича комиссияга беради, комиссия фермер хўжалигига ер 
участкалари бериш бўйича танлов ўтказади. 
Комиссия қарори протокол билан расмийлаштирилади ва туман ҳокимига 
берилади. Туман ҳокими комиссия қарори асосида уч кун мобайнида фермер 
хўжалиги юритиш учун ер участкаси бериш тўғрисида қарор чиқаради ва уч 
кун муддатда ушбу қарорни ҳамда танлов комиссияси иши натижаларини 
вилоят ҳокими бошчилик қиладиган ер участкалари бериш (сотиш) 
масалаларини кўриб чиқувчи вилоят комиссиясига тасдиқлаш учун юборади. 
Вилоят ҳокими бошчилик қиладиган вилоят комиссияси тақдим этилган 
ҳужжатларни кўриб чиқади ва туман ҳокимининг фермер хўжалиги юритиш 
учун ер участкаси бериш тўғрисидаги қарорини тасдиқлаш (ѐки тасдиқлашни 
рад этиш) ҳақида қарор қабул қилади. Рад этиш тўғрисидаги қарор танловни 
ўтказиш шартлари бузилган тақдирда ва ер участкасини ижарага бериш 
тартибининг қўпол равишда бузилишлари аниқланган ҳолларда қабул 
қилинади. 
Қайта ташкил этилаѐтган қишлоқ хўжалиги кооперативлари (ширкат 
хўжаликлари)нинг ҳамда бошқа қишлоқ хўжалиги корхоналари ва 
ташкилотларининг ер участкалари махсус тузилган комиссия томонидан 
ўтказилган танлов якунлари асосида туман ҳокимининг қарори билан берилади. 
Ҳокимнинг фермер хўжалиги юритиш учун ер участкаси бериш 
тўғрисидаги қарорини тасдиқлаш юқорида баѐн этилган Низомнинг 16-бандига 
мувофиқ амалга оширилади.