Ўзбекистон республикаси адлия вазирлиги тошкент давлат юридик институти

ФУҚАРОЛИК ИШЛАРИ БЎЙИЧА ТУМАНЛАРАРО, 
ТУМАН (ШАҲАР) СУДИ. ЖИНОЯТ ИШЛАРИ БЎЙИЧА
ТУМАН (ШАҲАР) СУДИ 
2001 йил 1 январдан
бошлаб Ўзбекистон Республикасида 
фуқаролик ва жиноят ишлари бўйича алоҳида судлар фаолият 
юритишни бошладилар. 
Умумий юрисдикция судларининг асосий бўғини
– фуқаролик 
ишлари бўйича туманлараро, туман (шаҳар) суди, жиноят ишлари 
бўйича туман (шаҳар) суди. 
Фуқаролик ишлари бўйича туманлараро, туман (шаҳар) 
судининг суд фаолияти устидан назорат
Қорақалпоғистон 
Республикаси фуқаролик ишлари бўйича Олий суди, фуқаролик 
ишлари бўйича вилоят суди, фуқаролик ишлари бўйича Тошкент 
шаҳар суди томонидан амалга оширилади. 
Жиноят ишлари бўйича туман (шаҳар) судининг суд 
фаолияти устидан назорат
Қорақалпоғистон Республикаси жиноят 
ишлари бўйича Олий суди, жиноят ишлари бўйича вилоят суди, 
жиноят ишлари бўйича Тошкент шаҳар суди томонидан амалга 
оширилади. 
Фуқаролик ишлари бўйича туманлараро, туман (шаҳар) суди
раис ва судьялардан иборат бўлади. 
Жиноят ишлари бўйича туман (шаҳар) суди
раис, судьялар ва 
халқ маслаҳатчиларидан иборат бўлади. Жиноят ишлари бўйича 
туман (шаҳар) суди таркибида маъмурий ишлар бўйича судьялар 
бўлади. 
Туманлараро, туман (шаҳар) судларининг судьялари
Ўзбекистон Республикаси Президенти ҳузуридаги Судьяларни 
танлаш ва лавозимларга тавсия этиш бўйича олий малака 
комиссиясининг тақдимномасига биноан, Ўзбекистон Республикаси 
Президенти томонидан тайинланади. 

---

387 
Жиноят ишлари бўйича судларнинг 
халқ маслаҳатчиларига
нисбатан қуйидаги талаблар қўйилган:
- йигирма беш ёшдан кичик бўлмаган; 
- фуқароларнинг яшаш ёки иш жойидаги йиғилишларида очиқ 
овоз бериш йўли билан икки ярим йил муддатга сайланган 
Ўзбекистон Республикаси фуқароси.