Ўзбекистон республикаси адлия вазирлиги тошкент давлат юридик институти

“Суд ва ҳуқуқни муҳофаза қилувчи органлар” фанининг 
мазмуни
, биринчи навбатда, ҳуқуқни муҳофаза қилиш фаолиятини 
амалга оширувчи суд ва давлат органлари, шунингдек, ушбу 
фаолиятнинг амалга оширилишига ёрдам берадиган айрим нодавлат 
тузилмалар ҳақидаги маълумотларни ўз ичига олади. Бу маълумотлар 
орасида нафақат умуман суд ҳокимияти ва ҳуқуқни муҳофаза қилиш 
фаолиятининг ташкил этилиши ҳақида, балки унинг муайян 
йўналишлари (вазифалари), шунингдек, тегишли органлар ёки 
ташкилотларнинг ташкил этилиши, уларнинг тузилиши, ўзаро 
алоқаси ва бир-бирига бўйсиниши, асосий ваколатлари ва 
вазифалари, бир-бири ҳамда бутун давлат механизми билан ҳаракат 
қилишлари ҳақида маълумотлар марказий ўрин эгаллайди. 
Хорижий мамлакатларда суд ва прокуратуранинг вазифалари, 
принциплари ва тузилишини белгилайдиган ҳуқуқий нормаларни 
ўрганиш, уларга хос бўлган умумий қонуниятларни, шунингдек, 
кўрсатилган органларнинг ҳар бир алоҳида мамлакатнинг тарихий 
шарт-шароитлар ва бошқа сабабларга кўра вужудга келган ўзига хос 
хусусиятларини аниқлаш “Суд ва ҳуқуқни муҳофаза қилувчи 
органлар” фанининг предметига киради. 
“Суд ва ҳуқуқни муҳофаза қилувчи органлар”
– бу суд 
ҳокимияти ва ҳуқуқни муҳофаза қилиш фаолиятини амалга оширувчи 
давлат органларининг тизимини (шунингдек айрим нодавлат 
тузилмаларни), уларнинг ташкил этилишини, фаолиятининг асосий 
йўналишларини ва ўзаро ҳамкорлигини ўрганадиган юридик фандир. 
“Суд ва ҳуқуқни муҳофаза қилувчи органлар”
фанининг 
мақсади
– ёш талаба-юристларга ҳуқуқий кўрсатмаларнинг амалга 
оширилишини таъминловчи муассасалар ҳамда умуман ҳуқуқни 
қўллаш механизми ҳақида бошланғич билимларни беришдир. 
“Суд ва ҳуқуқни муҳофаза қилувчи органлар” курсини 
ўрганиш
мазкур курснинг конституциявий ҳуқуқ, давлат ва ҳуқуқ 
назарияси, маъмурий ҳуқуқ, фуқаролик процессуал ҳуқуқи, жиноят-
процессуал ҳуқуқи, хўжалик процессуал ҳуқуқи, жиноят ҳуқуқи, 
фуқаролик ҳуқуқи, давлат ва ҳуқуқ тарихи, прокурор назорати каби 
ҳуқуқнинг бошқа тармоқлари билан 
ўзаро алоқада
ўзлаштирилишини 
назарда тутади. 

---

372