Ўзбекистон республикаси адлия вазирлиги тошкент давлат юридик институти

Вазирлик ҳайъати. 
Ишни ташкил этиш ва қарор қабул қилишда 
Вазирлик ҳайъати муҳим аҳамиятга эга. У Вазир (ҳайъат раиси), 
унинг ўринбосарлари (лавозимга кўра), шунингдек, Вазирлик 
фаолиятининг асосий йўналишларини мувофиқлаштирувчи таркибий 
бўлинмалари раҳбарларидан иборат таркибда ташкил этилади. 
Ҳайъатнинг аъзолари, сони ва шахсий таркиби Вазирнинг 
тақдимномасига биноан, Ўзбекистон Республикаси Вазирлар 
Маҳкамаси томонидан тасдиқланади. Вазирлик ҳайъати ўзининг 
доимий чақириладиган йиғилишларида Вазирлик ва унга қарашли 
бўлган органлар ва муассасалар фаолиятининг асосий масалаларини, 
шунингдек, судлар фаолиятини ташкилий жиҳатдан таъминлаш 
масалаларини кўриб чиқади. Ҳайъат қарорлари одатда Вазирнинг 
буйруқлари билан амалга оширилади. 
Қонунларни, Ўзбекистон Республикаси Президенти ҳужжатлари 
ва Ўзбекистон Республикаси Вазирлар Маҳкамаси қарорларини ижро 
этиш мақсадида Вазир буйруқлар, йўриқномалар, тушунтиришлар ва 
бошқа идоравий меъёрий ҳужжатлар чиқариш ҳуқуқига эга. Бундай 
турдаги ҳужжатларда давлат нотариати ва фуқаролик ҳолати 
далолатномаларини ёзиш органлари фаолияти, суд экспертизаларини 
ташкил этиш, статистика ҳисоботларини юритиш ва ҳоказоларни 
ташкилий жиҳатдан таъминлаш масалалари ҳал этилиши керак. Улар 
Вазирлик тизимидаги органлар, муассаса ва ташкилотлар ходимлари, 
бошқа органлар, мансабдор шахслар ва фуқаролар учун 
мажбурийдир. 
Ўзбекистон 
Республикаси 
Адлия 
вазирлигининг 
айрим 
функцияларининг бажарилиши Қорақалпоғистон Республикаси 
Адлия вазирлиги, вилоятлар ва Тошкент шаҳар адлия бошқармалари 
томонидан амалга оширилади. Табиийки, уларнинг ваколатлари 
доираси Ўзбекистон Республикаси Адлия вазирлиги ваколатлари 
доирасидан анча кам. Мисол учун, улар ижро этувчи ҳокимият 
марказий органлари норматив ҳужжатларининг давлат рўйхатини 
юритмайди, улардан қонунчиликни такомиллаштиришда кенг 
иштирок талаб этилмайди. Уларнинг асосий вазифаси – керакли 
даражада ҳуқуқий хизматлар кўрсатиш учун шароитлар яратиш, 
нотариат ва ФҲДЁ органларига раҳбарлик қилиш. Қорақалпоғистон 
Республикаси Адлия вазирлиги, вилоятлар ва Тошкент шаҳар адлия 

---

28 
бошқармалари тузилиши улар бажарадиган иш ҳажми ва мазмунидан 
келиб чиққан ҳолда ташкил этилади.